Biblia Todo Logo
Bib sou entènèt

- Piblisite -




Maika 5:4 - Nobonob Baibel

4 Amu laa Israel gumadkku Nug hibaitta, nuhikkud danab ah, sipsip gumak danab sipsip nuhikkud gumadtte, amubia nuhikkud danab ah gumadkku. Nug Yawenu ɠagattagppa nuhikkud danab ah gumadkku. Ao, Yawe, Nug dagom onig ɠagattag okkai ele, Nug am laa Israel gumadkkunu Kayak; amu laa Israel gumadkku amu, Nug Yawe onigppa nuhikkud danab ah gumadkku. Nug ag gumadkku amunu, ag ena, baɗak iitta eleppa daaglag. Aɗinu? Haen amuppa Nug onig, ɠagattag elenu nai am aha ukkeb, wan ohppa gokku.

Gade chapit la Kopi




Maika 5:4
37 Referans Kwoze  

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.


Nug onig am binag ele daakku. Ag nuhignu, ‘Kayak Attannab Laa Oh Eɗattak bekka,’ aon akkulag. Kayak Nug heeb, nug king alag Dawit dayom bia daakku.


Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.


Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.


Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.


Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!


Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.


Amge da Mamenu uɗat hettem dayeb, ag amuppa dahil nainu oolagppa genab dooglagnu elele iitta dabmak aotteb dayeb, da uɗat laala, danab haknu elele iitta hettem amu, ag amu anidna, oolagppa genab doyeg! Amuppa ag doyak aona, Mame Nug dahilppa dayeye, da nuhigppa daattem amu tutukku dooglag,” awa aum.


Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.


amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema.


Yawe Nug inam atte. “Da geha heppi, ban haknu karis ag baula Israel appa ii daamna. Ao, da heppi, hos banppanu ag Jerusalem appa baula ii daamna. Ge, da geha ban haknu lat heppi qiiadkkulag. Amu king ahilag Nug geha heeb, wanppan wan ohppa ag ban kobol uuna, ag maɗoɗ ele daappeg, ahilag king nug geha danab ah wan atu ohppanu gumadkku. Yo, Nug geha le naɗi Yupretis appanu digma ukka, wan batakppa ele gumadkku.


Yawe Nug atte. “Antteg! Dahil maɗi nid nug doyak dabmak okkai ele dim lamitta, nuhig hak hekku. Nug onig okkai, binag okkai ele aokku.


Yawe Nug da anil ooppa, Nug da nuhig maɗi nid meiɗa, Nug da Jakop buɗub, ag nuhigppa eɗue diie uɗikkulnu heiɗom. Yo, Nug da Israel danab ah ehanadppi, ag eɗun, nuhigppa uɗiglagnu heiɗom. Yawe Nug da binag okkai meɗatte. Ao, dahil Kayak Nug ɠagattag meɗatte.


Ag danab ah oh ag nahip uɗat ɠagattag okkai ele, ag amunu dooglagnu anam mattiglag. Ao, ag nahip ɗo maɗoɗ am binag amahlak oppiaawak okkainab ele, ag amunu ele dooglagnu, ag anam mattiglag.


Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.


Yawe Nug danab ah gumadtte! Nug king bala meum. Ao, Yawe Nug king lamen takkom. Nug am ɠagattagnab. Yawe Nug wan abennabppa meum. Aɗitai laa mautkkunu elele iitta.


Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!


Nug danab ah oh, wan yu laih laih gamagppa daatteb amu, nug ag oh, ahilag king daakku. Ao, nug Yupretis leppan digma ukka, wan batakppan ele, nug amu dilag king daakku.


Wan oh geha Yawe doona, Nug dim lamidkkulag. Yo, danab ah wan ohppan ag Nug noobppa dup nokkulag.


Ag nug nai akku amu, ag tutukku doon dim lamitteg! Ag nuhig nai aib tabappeg neum. Aɗinu? Da onil nuhigppa daatte amunu, nug danab ah dilag nai tappenak amu, nug amunu hamu ii dooma. Iitta! Nug bu madakku.


Yawe Oppiaawak Ele Nug nuhig ɠagattag danab ah oh anidkkulagnu heeb, miag atieb daakku. Nug anam heeb amu, danab ah wan atu ohppa daatteb ele, ag ehanitte, padal ii mak Kayak eppegppanu uɗitte anidkkulag.


Amu ag danab ah oh wan atu ohnu ag padal memananu ag da dim lamiɗna, ehanittak da eppelppanu aweg! Aɗinu? Da aakkuib Kayak daattem. Kayak laal ii daatte.


Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.


Israel danab ah ag, ag keeke he nauhak amu ag amelagppa anadna, ag akkulag. “Aakku genab! Yawe Nug ig wanenigppa ɠagattag daatte, amu Nug ihinig tom ele eɗitta ukkak, Nug appa ele ɠagattag daatte,” aon akkulag.


amunu, genabnab da Naɗi, da geha Asiria dilag king awe uɗikkulnu heppi, nug nuhig ɠagattag amuppa ag oɗoɗadkku. Am Asiria dilag king nug nuhikkud ban danab ele, ahilag ɠagattag am Yupretisnu le uinu ɠagattag, ebehi ele na, le titiɗa, atu oh tona gotte, ag amubia hena uɗiglag. Ag uɗin, Yupretis le nug ui wa, le ihi daug laih laih oh tonatte, amubia ag uɗin, Juda wan oh bia tonaglag. Amge ag wan amu ohnab ii aomna. Ge, Asiria ag wan amu ohnab ii aomna, amge oh bia aon tonan, elele mettan daaglag,” awa aum. O Imanuel, ⌊na ig ehanigkkutnu oɗ medattem⌋!


Swiv nou:

Piblisite


Piblisite