Maika 3:2 - Nobonob Baibel

² Amge ag, ag keeke enanu nau ninig ele doon, keeke naunu amu, ag oolag mauhtte. Ag am danab nug doɗ gaɗa doɗ beɗuppan aagtte, amubia ag dahilad danab ah eheɗ nau madatteb. Ao, ag danab nug teppu ebehippanu hihia aotte, ag amubia dahilad danab ah eheɗ nau madatteb.

Maika 3:2 Referans Kwoze

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Prowerb 28:4

Laa ag Kayaknu ɗo dim lamittaknu uutteb, ag nau hak danab onilag okkai madatteb; amge aun aɗi ag Kayaknu ɗo dabmettan dim lamidtteb ele, ag nau hak danab eheɗ hemanu wagai metteb.

Sam 53:4

Amu Kayak Nug oɗ mette. “Danab ag kobol nau hetteb, ao, danab ag laa bret latte, amubia ag danab dahilad hattaeg nauhtteb, ge, danab ah ag da Kayak ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Aisaia 3:15

Aun nug ag amelagppa a, ag dahilad danab ah eheɗ hattegeg, ag nauhna autna aotteb? Aun aum amunu ag daɗek danab tappalattegeg, ag iɗulag wanppa oɗoɗe nauhtteb?” Naɗi, Nug Yawe Nukka Ɠagattag Oh Ele, Nug anam awa atte.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

1 King 21:20

Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.

2 Timoti 3:3

Ag tiilag laippu ele dilagnu oo mauhak ii doomna, ag laa dilagnu uhuqa mettak kobol ii hemana. Ag baeg qak nai mattiglag, ag akka ahilag oiyak pehettak atognoak kobol ii hemana, dakkuɗ kobol hena, ag kobol enanu kekeɗ daaglag.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Jon 18:40

Nug anam aum, amge ag qalan appig. “Nug iitta! Barabas uhuqna mekke!” aon appig. Barabas nug am ban haaha, keeke yab awak danab.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Esekiel 34:3

Ag Israel dilag gumak danab ag sipsip huh aon latteb, ag sipsip uɗilag aon, ahilag lamen hadatteb, ag doɗ ena ena ele baalag otaɗadna latteb, amge ag sipsip ii atognoadtteb.

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Aisaia 57:12

Ag ahilag dabmakppa, ag, ‘Ig genab tutukkuib hettem,’ atteb, amge da heppi, ahilag hak, ahilag dabmak amu ele am miagib daakku. Da anam heppi, ahilag hak amu oh ii ehanadma.

Esekiel 11:7

Anam daatte amunu, Naɗi Yawe Nug inam atte. “Ag laa ag eheɗ henan daatteb, ag teppu waa ooppa ena daatte bia ii daamna. Aab okkai imuam ahilagnu waa bia ii daama. Iitta. Laa ag aqaeg mauhppig gaɗalag, ag beɗulag am teppu daatte, aab imuam ahilag waa bia daatte, amge ag eheɗ hetteb, ahilagnu da heppi, kekeɗ ag uɗin, ippanu lamadkkulag.

Esekiel 24:4

ag doɗ teppu laa, teppu amuam enanag, baegppan am gugappan ele, ag teppu amu aona, waappa inan, doɗ ebehi teppu huanak ele, ag amu ele aon ineeg!

Maika 2:8

⌊amge⌋ dahilad danab ag tumai bia digmen ahan, dahil kekeɗ bia daan hetteb. Ag hak ahilag am inam. Ban danab ag banppanu eɗun uɗin, ibppa danab ah ag uug laa bekkunu ii dabmena oiyegeg, amu dilag keeke wagai mena, yab aotteb amu, ag amubia hetteb.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Aisaia 5:20

Danab ah aun aɗi, ag nau hak kobolnu, “Am kobol ena,” atteb, ag kobol enanu, “Amuam nau hak kobol,” aon atteb, ag gatatunu, “amahlak,” atteb, amahlaknu amu ag, “gatatu,” atteb, ag keeke oɗenig mua qette ele amu, ag amunu, “Ubuhi ena ele,” atteb, keeke ubuhi ena ele amu, ag amunu, “Am mua ele,” atteb, ahilagnu amu gadonnab gadon. ⌊Ag padal mekkulag.⌋

Amos 4:1

Amu Yawe Nug atte. “Samaria ah, ag nai imu doyeg! Ag amu, ag makau, Basan appa ⌊gikkiɗah enaib lanana, beɗulag enaib daatteb,⌋ ag amubia daatteb. Ag daɗek danab ah eheɗ hattanna, ag laa keeke iitta ele am hatteg nauhtteb. Ag amu henana, ag ahilkad danab amelagppa, ‘Le ɠagattag aon doppeg latu!’ aon atteb.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.