Maika 2:4 - Nobonob Baibel

⁴ Da hekkul, deɗ amuppa danab laala ⌊ag Israel danab ah daatteb bia ippu hak hena⌋, ag ag aon aon aqaglag. Ao, ag ag aon aon aqana, ag ahi oo doyak naunab ele inam ettaglag. ‘Ig Israel, ig padal meta autta auttanab aomut. Kekeɗ ag ihinkad keeke oppatna aon, ahilag aɗatteb. Yawe Nug he, ihinig keeke ig eppenigppa ii daatte. Nug wan ihinkad, kekeɗ ihinkad eppelagppa meum.’ Ag ahi ettan, anam akkulag.” Yawe Nug anam atte.

Maika 2:4 Referans Kwoze

Habakuk 2:6

Nug anam haaha daatte, amge da, Yawe, da heppi, wan atu ohppan danab ah ag nuhignu, ‘Keeke hamunab,’ iite doon, nug aon aon qettaglag? Ag nug aon aon qettan, inam akkulag. ‘Laa nug wagai ma, danab ah dilag keeke yab awa, qagmette ele, nuhignu am gadonnab gadon. Ao, laa nug keeke lokkumakppa awaknu duttuna hak kobol dim lamitta, en kuɗum aotte amu, nuhignu am gadonnab gadon. Nug amu tuɗitta ii hema,’ aon akkulag.

Maika 1:15

Yawe atte. “Da heppi, ban danab laa, nuhikkud daup ele uɗin, ag danab ah Maresa daatteb, ag ag eɗadkkulag. Eɗadppeg, Israel dilag king nug oola ukka, moɗ okkai laa onig Adulam, appa lokkumkkunu hekku.

Jeremaia 9:10

Amu da, Jeremaia, da ami. “O gadon, Juda wanppa qauko nauhppig daatteb amunu, da gaye, mahiak ele hekkul. Ao, atu taɗakppa gikkiɗah dad ele anamib amunu, da nai oo doyak ele madikkul. Wan am hele-ettak daatte, danab ah appa ele ii oitteb. Appa makau daanna, gikkiɗah lanana ii gaatteb. Ai ag appanu oolna, hagagaɗna goppig. Doɗ laa ele ii daatteb. Ag oh oolna goppig. Amu diig amunu da kobol beum, da amunu gaye, mahiak ele hekkul,” awe ami.

Aisaia 24:3

Wan geha nauha auta awa, anam nauhakib daakku. Wannu etetuab laippu laa ii daakku bia. Iitta. Oh bia iitta mekkulag. Yawe Nug nai anam mattiom daatte amunu, am anam bekku.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Duteronomi 28:29

Ag geha amun haenppa gabotin oiglag, laa nug ameg gaɗuak ele gatatuppa gabotia gotte, ag amubia oinna, ag aɗi keeke laa hekkulag, amuppa aɗitai ena laa ii hemana. Danab laa ag hanhan eheɗ hattana, ahilkad keeke ele yab aoglag. Laa nug uɗia ehanatteb, ena daaglagnu laal iitta.

Namba 23:7

Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.

Mak 12:12

Jesus Nug anam a amu, Juda danab okkai ag Jesus Nug keeke danab ag dootteb ii dootteb ele ouaqata ippuanittak nai amu ag eheɗ hak ahilag anidkkulagnu mattiom dooppig amunu, ag Jesus aɗaglagnu ib madippig. Madippig amge ag danab ah kuɗum ⌊appa daappig⌋ ele baɗadppig amunu, ag Jesus uuidna goppig.

Sepanaia 1:2

Yawe Nug inam atte. “Da heppi, aɗitai keeke laa wan qaɗeppa ii daama.

Maika 2:10

Ag nau amu hetteb amunu, ag ahan, wan imu uun ukkeg! Wan imuam ag ahilag aben hik aon daaglagnu iitta. Aɗinu? Ag heeg, wan ag daattebppa imu, am Kayaknu neekkakppa dubuttid tak ele daatte. Ao, ag heeg, wan ag daattebppa imuam nauha autanab awom daatte; babaittaknu elele iitta.

Amos 5:17

Da ag bu madakkulnu uɗien, ag oolagppa oikkul amunu, ahilag grep dad ohppa mahiak okkai daakku.” Yawe Nug anam awa atte.

Amos 5:1

O Israel danab ah, da nai oo doyak ele butti aɗi ahilagppa bekku amu, da amunu madippi, ag doyeg!

Joel 1:13

Ag mana mettak danab, ag lamen heɗiag ele takkanna mahieg! Ao, ag danab Kayaknu qaɗabppa nuhig ɗo maɗoɗnu uɗat hetteb ele, ag qaneg! ⌊Wit, bali, muɗi grep ele oh bunaɗna, iitta meppig amunu, danab ag ee aegnu ofa, wain gokkaɗaknu ofa ele aon gona, Kayak, ahilag Kayak, Nug laugppa mekkulagnu laa iitta.⌋ Ee amu iitta, mana mettak laa ii daatte amunu, ag danab, ag dahil Kayak noobppa nuhig ɗo maɗoɗnu uɗat henan daatteb ele, ag lamen heɗiag ele takkan, Kayak laug ooppa nona, tuqan appa daan, ⌊oolag eɗueg⌋!

Joel 1:8

Ag Juda danab ah ag am danab nug ah awa, gamu daakkunu dayaya, danab ah ele amu aa ewau matulak ii aopiɗ haenppa danab nug mauhe, ah bau amu nug lamen heɗiag ele takka, huan gaatte, amubia ag gayeg!

Esekiel 16:44

Amu Naɗi Yawe Nug atte. “Danab aun aɗi ag oiyak ehanittaknu nai tutu maditteb amu, ag oiyak ehanittaknu nai tutu imu nahipnu akkulag. ‘Aɗeg nug okkai ma, anig bia oitte,’ aon akkulag.

Esekiel 2:10

Anam daye, laa buk amu aɗom ele nug buk amu da anidkkulnu kole, buk amunu uɗug ohppa yaak laih daye, laih ele dayom, amu nai yaak dayom ele am nai oo doyak ele, amu uug bekkunu gadon anak nai ele. Nai amu aakkuib buk amuppa dayom.

Jeremaia 14:18

Da aab okkai uuen, aab dimittim oiyeye amu, da laa ag qep elabppa mauhppig anadttem. Da aab okkai ooppa oiyeye amu, laa enugppa mauhppig, mauhkkulagnu oitteb ele anadttem. Aɗinu? Propet danab, mana mettak danab ele ag daanna, maɗi ahilag hetteb, amge ag diig doon ii hetteb. Iitta. Ag hamu hetteb,’ ” ⌊awe akkul.⌋

Jeremaia 4:13

Antteg! Danab amu, nuhikkud daup ele ag ulah lombig ye, paha paha laih gotte bia uɗitteb. Nuhig bannu karis ag kilibob huana gotte bia uɗitteb. Nuhig hos ag ai igel paha paha hagagaɗa gotte, ag amubia oitteb. Anam amunu, Juda danab ah ag anidna, ag, ‘O gadonnab gadon, ig eheɗ aognig! Gadonnab gadon. Aɗinu? Ig aakku padal mekkunig!’ akkulag.

Aisaia 14:4

ag Israel ag Babilon dilag king na qeumnu aon aon qettan, ahi imu ettaglag. “Yawe Nug he, danab umu, nug danab laa eheɗ nau hattom ele, nug na qa, iitta meum. Nug eɗua, ig baula eheɗ iinab heigma.

Job 27:1

Job nug anam mattia mala, nug nai tuɗitta aum.

2 Stori 35:25

Josaia nug anam mauhe, propet Jeremaia nug ahi oo doyak ele laala danab ah ag ahi ettan, Josaia dabmekkulagnu yaalattom. Nug ahi amu anam yaalatte, gemu, ⌊nai imu yaak haenppa⌋ ele, danab ah ag ahi edatteb ele ag danab ah Josaia dabmekkulagnu ahi amu ettaladtteb. Israel wanppa ag hanhan mauhak haenppa ahi amu edatteb. Ahi amuam buk laa, danab mauhtteb haenppa danab ah ahi amu edatteb ele amu, ahi amuam buk amuppa yaalattak daatteb.

2 Samuel 1:17

Amu Dawit nug anam hewowa, nug nai oo doyak ele Saul, nug bekka Jonatan ele dilahnu mattiom.

Namba 24:15

Amu Balam nug nai meunab ele imu mattiom. Nug inam aum. “Laa ag amelagppa keeke miagib anidtteb; Ao, laa ag Kayak nai mattieye dootteb; Ge, ag Laa Attannab Laa Oh Eɗattak, ag Nug eppegppanu doyak aotteb; Laa ag Kayak Nukka ɠagattag Oh Ele tulegleg ippunatte anidtteb; Ao, laa ag Kayak noobppa gatelag qaun ona, gomelna, iɗulag wanppa meeg, Kayak he, ag amelag obat-tte. Laa dilagnu anam daatte, amu ag oolagppan laa nug nai meunab ele imu maditte. Amu laa amuam da Balam, Beor bekka.

Namba 24:3

Kayak Ouɗi nuhigppa uɗie amu, nug nai meunab ele mattiom. Nug inam aum. “Laa ag amelagppa keeke miagib anidtteb. Ao, laa ag Kayak nai mattieye dootteb. Laa ag Kayak Nukka ɠagattag Oh Ele tulegleg ippunatte anidtteb. Ao, laa ag Kayak noobppa gateg qaun ona, gomelna, iɗulag wanppa meeg, Kayak he, ag amelag obat-tte. Laa dilagnu anam daatte, amu ag oolagppan laa nug nai meunab ele imu maditte. Amu laa amuam da Balam, Beor bekka.

Namba 23:18

Balak nug Balam anam oɗ mette amu, Balam nug digma, Yawe oɗeppanu nai meunab ele mattiom. Nug aum. “Balak, na ahan, na nai doye! Ao, Sipor bekka, na da doiɗe!

Jeremaia 6:12

Da eppel bahien, Juda danab ah bu madakkul amunu, da Juda laulkad diien, da amu laa, ahilag daaglagnu ag madakkul. Da Juda danab dilag wan anen anen, ahilkad ah ele diien, laa madappi, ahilkad daaglag,” awa aum.

Jeremaia 8:10

Ag dahil nai geɗidna, ii dim lamidtteb amunu, da heppi, kekeɗ ag uɗin eɗadna, danab laa ag ahilag wan, ah ele diippeg, ahilkad daaglag. Aɗinu da anam hekkul? Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Ao, propet danab, mana mettak danab ele ag hambuppuak kobol dim lamidtteb.

Maika 1:8

⌊Samaria uug amu aweb, Jerusalem ele uug amuib aokku,⌋ diig amunu da gayeye, mahiak okkainab ele hekkul. Ao, da baeg gaɗa ii mepa, dimittimnu lamen ele ii tagapa, amge da anam oikkul. Doɗ jakal, nug eheɗ gaatte bia, da gaakkul. Ao, hipunai, nug gayak aiqakkak bia gaatte, amubia da gaakkul.

Jeremaia 9:16

Da heppi, kekeɗ ag uɗin eɗadna heppeg, Juda danab ah ag wan laala, ag, amu ag mamelkad aɗi ele ag wan amu ii dooppig amu, ag wan amuppa, doɗ oolna, matatun gona, piɗe piɗe mauhnoak daatteb, Juda danab ah ag appa anam daaglag. Amu da heppi, kekeɗ ag lamadnana aqappeg, Juda danab ah ag padal mena autna aoglag,” awa atte.