Maika 1:8 - Nobonob Baibel

⁸ ⌊Samaria uug amu aweb, Jerusalem ele uug amuib aokku,⌋ diig amunu da gayeye, mahiak okkainab ele hekkul. Ao, da baeg gaɗa ii mepa, dimittimnu lamen ele ii tagapa, amge da anam oikkul. Doɗ jakal, nug eheɗ gaatte bia, da gaakkul. Ao, hipunai, nug gayak aiqakkak bia gaatte, amubia da gaakkul.

Maika 1:8 Referans Kwoze

Aisaia 22:4

⌊Uug amu dahilad danab ah dilagppa anam beum, amge laa naunab ele bekku⌋ amunu, da attem. “Da oo doyak okkai, mua ele doye gayeye daappi, amel leb mua ele na, amel mua qeebeb daakkul amunu, ag da aib neekkiɗppig! Dahilad danab ah ag nauhkkulag; ag ena iinab daaglag amunu, ag heppeg, da ool mekkunu aib ool aoppig!” Da anam awe attem.

Jeremaia 9:19

Aɗinu ag amelag leb anam nekku? Juda danab ag Sion daatteb, ag gaanna akkulag. “Ig aakku padal memut. Ig uɗa nak naunab nau aot oittem. Aɗinu? Kekeɗ ag uɗin, lag ihinkad heeg nauhppig amunu, ig wan imu uut, laih gokkunigoitte,” aon akkulag.

Jeremaia 9:10

Amu da, Jeremaia, da ami. “O gadon, Juda wanppa qauko nauhppig daatteb amunu, da gaye, mahiak ele hekkul. Ao, atu taɗakppa gikkiɗah dad ele anamib amunu, da nai oo doyak ele madikkul. Wan am hele-ettak daatte, danab ah appa ele ii oitteb. Appa makau daanna, gikkiɗah lanana ii gaatteb. Ai ag appanu oolna, hagagaɗna goppig. Doɗ laa ele ii daatteb. Ag oh oolna goppig. Amu diig amunu da kobol beum, da amunu gaye, mahiak ele hekkul,” awe ami.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Aisaia 21:3

Yawe keeke amu ippuniɗaɗa, nuhig nai amu a doomi amunu, da beɗulppa guittak okkai doottem. Ao, da ah nid aoglagnu guittak dootteb bia guittak doottem. Da nai doomi am he, da nein qekkulnu hettem. Ao, keeke da anidmi am he, da dabmak huanaknab aottem.

Aisaia 16:9

Anam amunu, da grep dad Sibma aab okkainu nauheb, da Jaser danab ah qanaglag bia qanattem. O aab Hesbon, O aab Eleale, da ahilahnu qanattem; amel leb amu na, ahilah danab ah oh layadkkunu elele. Aɗinu? Anukka, haen ahilah danab ah ag grep meu, meu laa ele aonna, ag amunu gamalag huan ahe eppig, amge ewak amu oh iitta mekku.

Aisaia 13:21

⌊Danab ah ag geha appa ii daamna. Iitta!⌋ Amge doɗ dakkuɗ atu taɗakppanu ag uɗin, appa daappeg, doɗ jakal ag uɗin, lag amuppa ambena daaglag. Hipunai ag geha uɗin, appa teɗ mebeppeg, meeme dakkuɗ ag ele geha uɗin, qiɗ henan daaglag.

Sam 102:6

Da am atu taɗakppan hipunai, nug nukka piɗe daatte, da amubia daattem. Ao, da am hipunai laa nukkanab aab okkai laa heeg nauhomppa daatte bia daattem.

Job 30:29

Da doɗ jakal amalag bia daattem. Ao, da hipunai lailag bia daattem.

1 Samuel 19:24

Saul nug anam haaha ukka, Naiot ta, nug lamen elab amu uɗa awa, nug lamen elab, lamen amu iitta ele dayom. Nug ele Samuel amegppa propet nai mehuqom. Nug anam ha, dimppa nug lamen elab ele uɗak, lamen laa aakkuib beɗu hautak dayeye, deɗ amuppa nug amun, tuqan ele wanppa niiom. Nug anam niieye, danab ah ag diig amunu, “Saul nug ele propet ele qagmeppigte?” aon adappig.

Aisaia 13:22

Doɗ haaina ag geha uɗin, ban haknu aben ɠagattagppa daaglag. Ao, doɗ jakal, ag uɗin, kingnu lag enanagnab, ag amuppa ele daaglag. Ag anam daanna, ag appa gaaglag. Babilonnu haen aakku iitta mekkunu hette. Da nuhig haen tuɗidppi, nakok laa ele ii daama.” Yawe Nug anam atte.

Aisaia 32:11

⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.

Esekiel 32:18

“Danab bekka, na Isip danab ah bodok iitta dilagnu, wanppan wan laala ɠagattagnab ele dilagnu ele mahinna, na nahip naippa omaladppe, laa ele appa notteb amu, ag ag ele mauhak abenppa noig!

Maika 2:4

Da hekkul, deɗ amuppa danab laala ⌊ag Israel danab ah daatteb bia ippu hak hena⌋, ag ag aon aon aqaglag. Ao, ag ag aon aon aqana, ag ahi oo doyak naunab ele inam ettaglag. ‘Ig Israel, ig padal meta autta auttanab aomut. Kekeɗ ag ihinkad keeke oppatna aon, ahilag aɗatteb. Yawe Nug he, ihinig keeke ig eppenigppa ii daatte. Nug wan ihinkad, kekeɗ ihinkad eppelagppa meum.’ Ag ahi ettan, anam akkulag.” Yawe Nug anam atte.

2 King 18:13

Hesekaia nug Juda dilag king dayaya, nuhig king dayaknu maɗ 14ppa Asiria dilag king Senakerip, nuhikkud ban danab ele ag banelag uɗin, Juda eɗadnana, ahilkad aab ɠagattag aɗ ele amu oh aoppig. ⌊Amge aab okkai Jerusalem amu, ag amu ii aoppig.⌋

Esta 4:1

Mordekai nug kobol attem beum amunu doya amu, nug nuhig lamen pattiɗa, lamen heɗiag ele awa ma, igippa uhuɗ meum. Anam ha, nug aab okkai ooppa ukka, oo doyak naunab ele doyaya, qala gayom.