Luk 9:48 - Nobonob Baibel

⁴⁸ Nug ag amelagppa aum. “Danab nug da onilnu nid nakok laa imubia laippu dayaknu ooppa eleleib dootte, nug da ele laippu dayaknu ooppa eleleib dootte. Danab nug da ele laippu dayaknu ooppa eleleib dootte amu nug Laa, Nug he da uɗimi ele, nug Nug ele laippu dayaknu ooppa eleleib dootte. Ag oh oolagppanu danab nug nakoknab daatte amu, nug am anuqak,” awa aum.

Luk 9:48 Referans Kwoze

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

1 Pita 5:6

Amunu Kayak Nug geha nuhig deɗppa ag humadkkunu, ag akka ag onilag qeppeg neeb, ag Kayak eppeg ɠagattag waappa dayeg!

Luk 22:26

Iitta aɗi dilagppa am anam daatte, amge ag dahilad daatteb amu, ag am anam iitta. Ag oolagppa danab aun nug okkai daatte, nug danab dimnab daatte bia dayaɗ! Aun nug ikki daatte amu, nug ahilag maɗi nid dayaɗ!” awa aum.

Jon 13:20

Da genabnab genab ag amelagppa attem. Laa nug maɗi nid, da nug mei gotte ele, nug nug oo metta humidtte amu, nug da aakku oo meɗa humiɗtte. Laa nug da oo meɗa humiɗtte, nug laa, da meiɗe uɗimi ele amu, Nug oo metta humidtte,” awa aum.

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Luk 7:28

Jesus Nug anam awowa, Nug nai tuɗitta aum. “Da ag amelagppa attem. Danab oh ah oolkadppanu doppig elenu laa nug Jon ii eɗittom, amge danab laa nug Kayaknu ɗo maɗoɗ ooppa danab nakokib daatte, nuhig itittak ena amu Jonnu eɗidtte,” awa aum.

Mak 9:37

“Danab laa nug da onilnu nid nakok laa imubia ele laippu dayaknu ooppa eleleib dootte amu, nug da ele laippu dayaknu ooppa eleleib dootte. Amu laa nug da ele laippu dayaknu ooppa eleleib dootte amu, nug daib nug ele laippu dayaknu ooppa eleleib ii dootte. Iitta. Nug da Mamel ele laippu dayaknu ooppa eleleib dootte,” awa aum.

Matyu 25:45

Appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa ii heppig amu, ag dahilppa ele ii heppig,’ awe akkul.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Matyu 18:14

Anam amu, da Mamel, hab attan daatte amu, Nug nid nakok laa padal mekkunu oo ii daatte.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Revelesen 21:14

Aab okkai amunu aɗ ukku am men kuɗum duqe ukkak huu 12 ele. Aɗ nug amu attan daatte. Amu Sipsip Nagnu totol danab 12 onilkad amu, ag men amuppa yaalattak daappig.