Luk 9:45 - Nobonob Baibel

⁴⁵ Nug anam aum, amge ag nai amunu oolag tutukku ii maittom, nai amunu diig am ag oolagppa lokkumak dayom amunu, ag tutukku ii dooppig. Ag ii dooppig amge ag Jesus Nug nai amu mehuqkkunu oɗ mettaglagnu baɗappig.

Luk 9:45 Referans Kwoze

Luk 18:34

Jesus Nug nai amu mattiom, amge ippunittak awak danab ag oolag ii maittom. Nai amu, diig nuhig amu ag oolagppa lokkumak dayom amunu, ag Nug nai aum amu, ag meu nuhig pehettak ii dooppig.

Jon 12:16

Yaak anam niitte, amge Jesusnu ippunittak awak danab ag tatam nai amunu diig am, ag oolag ii maittom. Dimppa Jesus Nug Mame toppa ukke, haen amuppa amu Kayak naippa yaak amu dayom daulagppa do dabmena, keeke oh yaakppa dayom ele am anamib beum, amu ele daulagppa do dabmeppig.

Luk 2:50

Nug anam aum amge nai Nug amelahppa aum amu aa diig ii doopiɗ.

Mak 9:32

Nug anam aum, amge ag nai amunu oolag tutukku ii maittom, amge ag Jesus Nug nai amu mehuqkkunu oɗ mettaglagnu baɗappig.

Jon 14:5

Jesus Nug anam a amu, Tomas oɗ mettom. “Naɗi, na adeppa gokkut amu, ig ii doottem amunu, ig attem heta, ib na gokkut ele doognig?” awa aum.

Jon 12:34

Nug anam mattie amu danab ah kuɗum nug oɗeppa aon appig. “Ig ɗoppa nai inam doomut. ‘Kristus Nug hanhan daakku!’ Am attemun na Danab Bekkalag ad emaitakppa aihkkulagnu attem? Danab Bekkalag, na nuhignu madittem amu, Nug am aun?” aon appig.

Mak 9:10

Jesus Nug anam a amu ippunittak awak danab ag nai amu aon laa amegppa ii appig, amge ag akka akka appig. “Mauhakppanu eɗua hibaittak nai am aɗi meu ippunigtte?” aon appig.

Matyu 16:22

Jesus Nug amunu a amu, Pita nug Jesus omala, piɗe wana, digma daug bata, amegppa aum. “Naɗi, na nahip-ppa keeke amu iinab bema, iittanab!” awa aum.

Luk 9:46

Am haen laa ippunittak awak danab ag oolagppa aun nug okkai daatte, dabmak amu be, ag amunu aeg ona aeg doum.

Matyu 17:22

Jesus Nug anam a, ag oh Galili gona daanna, Jesus Nug ippunittak awak danab amelagppa baula aum. “Danab Bekkalag da amu, laa nug geha da danab eppelagppa meiɗeb,

Jon 4:33

Nug anam a amu ippunittak awak danab ag akka akka nug oɗ mettan appig. “Danab laa ee laa awa uɗia mettomtai,” aon appig.