Luk 9:42 - Nobonob Baibel

⁴² Nug anam a amu nug nid amu awa, Jesus toppa doodo, ouɗi nau am nid buɗie, na qa, wanppa hahaɗom. Nug anam heum, amge Jesus Nug ouɗi nau nid amu uua gokkunu haknunab ana he, nid ena daye, awa eɗua, mameg mettom.

Luk 9:42 Referans Kwoze

Luk 7:15

Anam a, danab mauhom amu eɗua aha dayaya, nai mattie, Jesus Nug eɗua awa, anig mettom.

Revelesen 12:12

Amunu hab, amu hab aab ele, amu ag laa aguppa daatteb ele, ag maɗoɗppan gamag ahak doyeg! Amge wan amu yu ele ahilahnu gadonnab gadon! Aɗinu? Mat naɗinab onig Satan, nug aakku ahilagppa noum. Nug oppoɗi bak huana ele. Aɗinu? Nug dootte, nuhig haen am tutu,” awa aum.

Luk 9:39

amu ouɗi nau laa nug haen kuɗumnab aɗeɗe, eheɗ eewo, ouɗi nau nug he, huana hahaɗeɗe, hipaɗu neene, ouɗi nau nug haen ohbia anam heehe, nid beɗu nauha auta aotte.

Mak 9:20

Nug anam a amu ag nid omalna, Jesus toppa waeg, ouɗi nau nug Jesus antta, nug paha he, nid nug beɗu hahaɗeɗe, na qa wanppa niiaya, itoɗieye, hipaɗu neum.

2 King 4:36

Nug anam he, Elisa nug Gehasi onigppa e do, nug ukka, nid anig amegppa ab uɗikkunu amegppa a, nug Elisa aum bia ukka, nid anig amegppa a uɗia, nug lag koɗokko uɗem ukkappa ta, lag ooppa no, Elisa nug ah amegppa aum. “Na nid danab nahip aon ukke!” awa aum.

Aposel 9:41

Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

1 King 17:23

Nid nug eɗua, bau daye, Elaiya nug nid amu eɗua awa noa, anig medatta, nug nid anig amegppa aum. “Antte, nid nahip eɗua bau daatte!” awa aum.

Luk 9:41

Anam a amu Jesus oɗeppa awa aum. “Ag oolagppa genab doyak iitta. Ag eheɗ haknu ag tiilagppa daatte. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Na nid nahip omalna do!” awa aum.

Luk 9:43

Jesus Nug anam he, danab ah ag Kayaknu ɠagattag anidna ottaina dabmak kuɗum aoppig. Keeke oh Jesus heum amu, ag amunu dabmak kuɗum aoegeg, Jesus Nug nuhikkud ippunittak awak danab amelagppa aum.

Jon 6:19

Duban ahe, haen ag uub el qena, nakok 5 o 6 kilomita anam ukkaegeg, Jesus Nug le qaɗeppa tappa, ag gukkuatta do anidna, ag eheɗ nau baɗappig.