Luk 9:39 - Nobonob Baibel

³⁹ amu ouɗi nau laa nug haen kuɗumnab aɗeɗe, eheɗ eewo, ouɗi nau nug he, huana hahaɗeɗe, hipaɗu neene, ouɗi nau nug haen ohbia anam heehe, nid beɗu nauha auta aotte.

Luk 9:39 Referans Kwoze

Luk 4:35

Nug anam aum, amge Jesus Nug ouɗi nau amegppa baag ɠagattagppa aum. “Na oɗen qamutna, danab amu uuidna ukke!” awa aum. Jesus Nug anam a amu ouɗi nau nug ag oolagppanu he, danab amu wanppa na qe, nug uuitta ugakka, danab amu nug beɗuppa eheɗ laa ii heum.

Mak 9:26

Jesus Nug anam a amu ouɗi nau nug ewowa, nug nid huan uɗala, uuitta ukkom. Ugekke amu nid nug mauhak bia niieye, danab laala kuɗum ag, “Nug mauhom,” appig.

Mak 9:20

Nug anam a amu ag nid omalna, Jesus toppa waeg, ouɗi nau nug Jesus antta, nug paha he, nid nug beɗu hahaɗeɗe, na qa wanppa niiaya, itoɗieye, hipaɗu neum.

Revelesen 9:11

Ag ahilag king ele, nug ag gumadtte. Nug am moɗ oɗe noa ukka batak iitta ele, amunu okkai. Hibru naippa amu nug onig am Abadon. Grik naippa amu nug onig am Apolion.

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Mak 9:18

Haen ouɗi nau amu nug nid dahil aɗa, nug buɗie, wanppa na qa, hipaɗu neene, nug aeg emala, beɗu ele taiedatte. Amunu da nahipad ippunittak awak danab ouɗi nau amu lamidkkulagnu oɗ mattami, amge ag elele iitta,” awa aum.

Luk 9:38

Amu danab ah kuɗumnab amu oolagppa danab laa nug ewa aum. “Ippunittak danab, da na unuqttem. Dahil nid imu antte, da nid dahil laippu iikkuib,

Luk 9:40

Am da nahipad ippunittak awak danab ag ouɗi nau lamidkkulagnu unuqadmi amge ag elele iitta!” awa aum.