Luk 9:33 - Nobonob Baibel

³³ Moses Elaiya ele aa Jesus uuitteheh, Pita nug Jesus amegppa aum. “Ippunittak danab, ig aben imuppa daagnignu am enanag amunu na appe, ig peh ewam buugnig; nahip laippu, Mosesnu laippu, Elaiyanu laippu ele,” awa aum. Pita nug nai aum amu, nug diig tutukku ii doyaya aum.

Luk 9:33 Referans Kwoze

Jon 14:8

Anam a amu, Pilip nug aum. “Naɗi, na Mama ippunigppe, amuppa ig elele doognig,” awa aum.

Luk 5:5

A amu Saimon oɗeppa awa aum. “Danab Naɗi, tuqan imu ohppa ig uɗat naɗi hemut, amge ig kakai laa ii aomut, amge na ame amunu da uhui ekkul,” awa aum.

Mak 10:38

Aa anam aeh amu Jesus Nug aa amelahppa aum. “Aa attep amu, aa keeke amunu tutukku ii doottep. Keeke laa le mua ele bia da lakkul amu, aa amubia lakkulahnu elelete? Layattak uug nau ele da aokkul amu, aa layattak amu aoglahnu elelete?” awa aum.

Matyu 17:14

Aria ag gona, danab ah kuɗum noolagppa teppig. Teeg amu danab laa nug Jesus toppa ukka, gateg qaun o aum.

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Matyu 17:4

Mattiegeg amu, Pita nug Jesus amegppa aum. “Naɗi, ig aben imuppa daagnignu am enanag amunu, na appe, da peh ewam buukkul; nahip laippu, Mosesnu laippu, amu Elaiyanu laippu ele,” awa aum.

Luk 9:34

Pita nug anam aawo amu, lombig laa tonattette, ag baɗappig.

Luk 9:49

Jesus Nug anam a amu Jon nug aum. “Ippunittak danab, ig danab laa nug na oninppa ouɗi nau lamatte anidmut, amge nug ig dim lamikke ii oittem amunu, ig nug ouɗi nau lamadmanu ɗo memut,” awa aum.