Luk 9:29 - Nobonob Baibel

²⁹ Tena unuqittatta dayeye amu, Nug iɗu eɗuom. Nuhig lamen amu eɗua, hakkabnab dittiag apinak bia dayom.

Luk 9:29 Referans Kwoze

Matyu 17:2

Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Aisaia 53:2

Ee qaɗu yuɗ gai-iitta wanppanu bette, amubia Yawenu maɗi nid Nug noobppa ena meum. Ao, nug diɗi laa wan qaɗaiettakppa bette, amubia Yawenu maɗi nid nug Yawe noobppa ba, ena meum. Danab kuɗum ag danab laa, nug beɗu enanag, anttaknu ena ele amu, ag amu anidna, “Ihinig okkai aakku,” doon, ag nug dim lamidtteb, amge Yawenu maɗi nid, nug anambia iitta. Ao, danab kuɗum ag laa nug beɗu enanag, diig amunu ag, “Ig danab amu nug ihinig okkai daakkunu oonig daatte,” atteb, amge Yawenu maɗi nid nug amubia ii dayom. Iitta.

Aisaia 33:17

Amu na anam hekkut dayeb amu, na king ɠagattag okkai naɗi ele, na nug amenppanab anidkkut. Anidna na nuhig wan okkai okkai, tom uma ukkak ele anidkkut.

Aposel 6:15

Ag anam hambuppueg, danab hettoɗiak okkai onig Sanhidren, appa daappig, ag oh Stiven amelkad behabe neekkidna, ag nug iɗu engel bia anidppig.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Mak 16:12

Aria, dimppa danab aɗit laa aa laih gokkulahnu ibppa ukkaeheh, Jesus Nug beɗu eɗue gumata waum.

Luk 3:21

Amge Jon maniguittakppa ii dayom haenppa danab oh ag layattak aoegeg, Jesus ele layattak awom. Nug layattak awa malowa, Nug unuqittette, hab obate,

Luk 5:16

amge Nug haen kuɗum aben laih, danab ii daattebppa ukka, Nug unuqidttom.

Luk 6:12

Haen amuppa Jesus Nug tuqan Kayak unuqidkunu qaukoppa nakok teum. Ta, Nug tuqan amu oh unuqittette ukke, wagɗom.

Luk 9:18

Deɗ laa Jesus Nug nukka dayaya unuqittatta dayeye, nuhikkud ippunittak awak danab ag gumidna ukkaeg, Nug oɗ matta aum. “Danab ag dahilnu, ‘Da am aun,’ ag amunu aɗi atteb?” awa aum?

Luk 9:30

Jesus Nug anam dayeye, danab aɗit laa, Moses Elaiya ele,