Luk 8:50 - Nobonob Baibel

⁵⁰ A amu Jesus Nug nai amu doya, Nug Jairus amegppa aum. “Na aib baɗame. Na ootppa genab doye! Na anam heppe amu, na aɗen nug eɗua ena daakku,” awa aum.

Luk 8:50 Referans Kwoze

Jon 11:40

A am Jesus Nug aum. “Da tatam na amenppa imu ami. ‘Na ootppa genab dookkut amu, na Kayak ebehi gemu anidkkut,’ ” awa aum.

Jon 11:25

Anam a amu Jesus Nug aum. “Da am eɗua hibaittaknu diig, bauklel hanhannu diig ele. Laa nug dahilnu ooppa genab dootte ele nug mauhkku, amge nug bauklel aokku;

Mak 5:36

Ag nug amegppa aeg, Jesus Nug nai amu daugppa doya, Nug Jairus amegppa aum. “Na aib baɗame! Na ootppa genab doye!” awa aum.

Luk 8:48

Amu Jesus Nug ah amu amegppa aum. “O aɗel, na ootppa genab doome amunu na ena daattem. Na maɗoɗ ele ukke!” awa aum.

Rom 4:17

Amuam Kayak naippa, nai Abrahamnu inam daatte bia. “Da heppi, na wanppan wan laala kuɗum mamelag daakkut.” Abraham, nug Kayaknu ooppa genab doyom, amu Kayak Nug nuhignu, nug am ig oh ig mamenig daatte dabmette. Kayak Nugib danab mauhppig ele bauklel madatte amu, Nug keeke ii beppig ele, keeke beppig bia onilagppa ette.

Mak 9:23

Nug anam a amu Jesus Nug aum, “Da hekkulnu elele, amge na amunu ootppa genab doottemte? Danab nug ooppa genab doyak ele amu, nug keeke oh hekkunu elele,” awa aum.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Rom 4:20

Aa anam daapiɗ, amge Kayak Nug keeke dimppa bekkunu nai qakka aum amunu, Abraham nug amunu oo aɗit ii daye, ooppa genab doyak nuhig ii paɗe neum. Iitta. Nuhig ooppa genab doyak ɠagattag mette, nug Kayak binag meum.

Luk 8:51

Aria, haen Jesus Nug ikki danab Jarius laugppa ukka, Nug Pita, Jon, Jems, nid mameg anig ele aakkuib diiatte, Nug ele lag ooppa noppig. Laa oh ag lag ooppa nokkulagnu aib aum. Nug lag ooppa noa, Nug danab ah ag nid amunu oolag doye, mahinna, qanak ele henan daaegeg anatta, Jesus Nug ag amelagppa aum. “Ag aib gaappig! Nug ii mauhom, nug niitte,” awa aum. Jesus Nug anam a amu ag imidppig. Aɗinu? Ag dooppig, nid ahin nug mauhom.