Luk 8:42 - Nobonob Baibel

⁴² Aɗinu? Nug aɗeg laippuib, maɗ 12 ele, nug mauhkkunu heum. A amu Jesus Nug ugekke, danab ah kuɗumnab ag talilidna daaegeg goppig.

Luk 8:42 Referans Kwoze

Luk 8:45

Iitta me amu Jesus Nug dayaya, oɗ meum. “Aun da aɗailom?” awa aum. Oɗ me amu ag appig. “Da iitta, da iitta,” aon appig. Aon aeg, Pita nug aum. “Danab Okkai, danab ah kuɗum gukkuidnanab talilidna daatteb amunu aɗinu na, ‘Aun da aɗailom?’ aon attem?” awa aum.

Luk 7:12

Nug ukka, aab amunu aɗnu od okkai amu guguitta noono, ag danab mauhak laa maon doppig. Danab mauhom nug anig am ah qab, nug bekka laippu amu aakkuib. Amu danab ah kuɗumnab aab amuppanu ag ah amu, nug ele uɗippig.

Rom 5:12

Aria, danab laippu laa hipunin heum, amuppa hipunin kobol oh wanppa daatte. Hipuninnu nob am mauhak amunu, mauhak am danab ah oh tonattom daatte. Aɗinu? Danab ah oh ag hipunin aakku heppig.

Mak 5:24

Nug anam a amu Jesus nug ele ukkaeheh, danab ah laala kuɗumnab ag Jesus happutna, qataiettan daaegeg goppig.

Esekiel 24:25

Yawe Nug anam ana, Nug nai tuɗitta, da amelppa aum. “Danab bekka, da heppi, kekeɗ ag uɗin, da laul heppeg nauhkku. Israel ag lag amu ag oolagppa daattenu maɗoɗppan gamag ahak madatte doon, lag amu ag binalag amahlak oppiaawak ele madatte dabmenan, ag lag amunu enanagnab doon, lag amunu ag oo mauhak bia dootteb, amge kekeɗ ag heppeg nauhkku. Da heppi, kekeɗ ag anam hena, ag bekkalkad aɗelkad ele diin gokkulag.

Esekiel 24:16

“Danab bekka, da heppi, laa na nuhignu oot huanaknab mauhtte amu, nug mauhkku. Nug oɗe ma, haen elab dayaya ii mauhma. Iitta. Nug danab oɗe awa, pahanab mauhtte bia mauhkku. Nug mauhkku, amge na mahittak, gayak, ele nuhignu aib heme. Amen leb ele aib neum.

Eklisiastis 6:12

Aɗinu? Danab nug wanppa dayaya oitte, nuhig haen wanppa daakkunu am tutuib. Daya, gaɗappa, unuqagppa ele anttak laippu iittanu oiyak nuhigppa am aamppa danab itotog bia amunu, auntai laa nug danab laanu, nug nuhig wanppa oiyakppa nuhignu aɗi keeke am ena ab dookkunu elele? Auntai laa nug danab laa mauheb, aam waappa aɗi kobol nuhig mauhak dimppa bekkunu daatte akkunu elele? ⌊Anam amunu, nai nai mattiak kuɗum am meu iitta.⌋

Job 4:20

Danab ag anilkad oolagppanu dona, haen elab iitta ag nauhtteb. Yo, ag nauheg, laa ag ii dabmetteb.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Luk 8:41

Jesus uɗie amu, danab laa onig Jairus, nug Juda dilag nai doyak lagnu ikki danab laa, nug uɗia Jesus baegppa laippun gateg qaun o, gomela, iɗu wanppa ma, Jesus Nug laugppa gokkunu unuqom.

Luk 8:43

Ukkaegeg, ah laa ele appa dayom amu, nug tiig nak oɗe maɗ 12 nuhigppa dayom. Iitta ii mettom. Nug dokta gumatta ukke bappaidnana, ehanidkkulagnu elele iitta, nug men doɗo nuhig iitta meum, amge nug eɗua ena ii dayom.