Luk 8:41 - Nobonob Baibel

⁴¹ Jesus uɗie amu, danab laa onig Jairus, nug Juda dilag nai doyak lagnu ikki danab laa, nug uɗia Jesus baegppa laippun gateg qaun o, gomela, iɗu wanppa ma, Jesus Nug laugppa gokkunu unuqom.

Luk 8:41 Referans Kwoze

Aposel 18:8

Pol nug appa daye, Juda dilag nai doyak lagnu ikki danab onig Krispus, amu nug baekkudppa ele ag oh Jesusnu oolagppa genab dooppig. Korint kuɗum laa ele ag Pol nai mehuqe, ag oolagppa genab doona, layattak aoppig.

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Luk 13:14

Amge Juda dilag nai doyak lagnu ikki danab nug Jesus Sabat deɗppa Nug ah amu he ena dayom, nug amunu oo nauhe, nug danab ah amelagppa aum. “Deɗ eblaih laippu ele am uɗat haknu daatteb amunu, ag danab nug oɗe ahilag heeb ena daaglagnu dayeb, aria ag uɗat deɗppaib uɗina, ehanittak amu aoglag. Amge Sabat deɗppa amunu aib uɗippig,” awa aum.

Luk 8:49

Jesus Nug nai amu mattiaya dayeye, danab laa nug Juda dilag nai doyak lagnu ikki danab Jairus, amu nug laugppanu uɗia, Jairus amegppa aum. “Na aɗen mauhom amunu, na ippunittak danab imu uɗat baula aib mettame,” awa aum.

Revelesen 5:8

Nug buk itoɗiak amu awe, hab daup waɗele Kayaknu bauklel aotteb ele, aria ikki danab 24 ele ag Sipsip Nag noobppa dup noppig. Ikki danab oh ag am harp aɗualadnana, ag ele tappiɗ golppa hattak, kalu danab ile muttuɗig enanag bette ele tappiɗppa ambak ele, amu eonna, muttuɗig oegeg aɗualadna daappig. Kalu amuam Kayaknu danab ah oppiaawak ele dilkad unuqittak aakku.

Aposel 18:17

Galio nug lamatte amu ag ahan hettoɗiak aben guguittakppa Sostenes, nug am Juda dilag nai doyak lagnu ikki danab amu, ag nug aɗan makkuɗppig. Juda ag anam heppig, amge Galio nug amunu ii dabmeum.

Aposel 9:38

Lida, Jopa ele ouqak daapiɗ amunu, danab Jesusnu oolagppa genab dooppig ele ag, “Pita Lida daatte,” amu dooppig amunu, ag danab aɗit, aa Pita amegppa, “Na paha ihinigppa uɗie! Na appa aib daame!” akkulahnu heeg gopiɗ.

Luk 17:16

Nug ukka, Jesus baegppa laippun gateg qaun o, gomela, iɗu wanppa ma, “Na ena heme,” aum. Danab amu nug am Samaria danab. ⌊Samaria Juda ele ag am layam iitta.⌋

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Jon 11:21

Marta nug ukka, Jesus antta amegppa aum. “Naɗi, na ippa daalom, da appinal nug ii mauhlo,

Luk 8:42

Aɗinu? Nug aɗeg laippuib, maɗ 12 ele, nug mauhkkunu heum. A amu Jesus Nug ugekke, danab ah kuɗumnab ag talilidna daaegeg goppig.