Luk 8:38 - Nobonob Baibel

³⁸ Danab ouɗi nau uuidppig ele nug Jesus ele gokkulahnu unuqom. Nug anam heum amge Jesus Nug he, eɗua ugekke amegppa aum.

Luk 8:38 Referans Kwoze

Pilipai 1:23

Da keeke amunu ool aɗit ele daattem. Amu da goppi, Kristus ele daagnih, amuam keeke enanagnab, da amunu ool hette.

Luk 8:37

Mattieg, Gerasanu wan atu, appan danab oh ag Jesus uuatta gokkunu unuqppig. Aɗinu? Ag huan baɗappig. Aeg aakku Jesus Nug uub attan ta, Nug eɗua ukkom.

Luk 8:28

Danab amu nug Jesus antta ewa, wanppa Jesus baegppa na qe, Jesus Nug ouɗi nau danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainab ele ewa aum. “Jesus, na Kayak Attannab Laa Oh Eɗattak bekka. Na da attem heiɗkkutnu hettem? Na da guittak nau ii meɗamnanu oo doyak ele oɗ medattem!” awa eum. Haen kuɗum ouɗi nau nug danab amu aɗeɗe, danab ag nug gumanna, eppeg, baeg ele senppa qagttappig, amge nug sen pakkua awe, ouɗi nau nug nug awa aɗe, laih atu taɗakppa gottom.

Sam 116:16

O Yawe, imuam genabnab, da am nahip maɗi nid laa. Ao, da am nahip maɗi nid. Da am ah laa nahip uɗat heum ele amu, da nug bekka. Na da keeke nau hippaliɗeg daami, na amuppan uhuqiɗe, ena daattem.

Sam 116:12

Da aɗitai keeke laa Yawe Nug dahilnu ena heumnu nob ena medakkulnu laa iitta.

Sam 32:7

Na aakkuib na dahil lokkumak aben, dahil guppiɗ ele daattem! Ao, na da ehaniɗe, nauhakppa ii daattem amunu, diig amunu da ehanittak nahip-ppanu ahi edattem.

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Luk 8:39

“Na eɗun, na appanppa gona, Kayak nahip-ppa aɗi heum ohnu appe doyeg!” awa aum. A amu danab amu ukka, aab amuppa ta, danab ah amelagppa Jesus keeke oh nuhigppa heumnu mattieye dooppig.