Luk 8:35 - Nobonob Baibel

³⁵ Mattieg doona amu, danab ah ag keeke amu anidkkulagnu Jesus gumidna gona, ag danab ouɗi nau uuidppig amu anidppig. Nug lamen takka, dabmak ena ele Jesus baegppa heɗep na dayeye anidppig. Danab ah ag anam anidna, ag baɗappig.

Luk 8:35 Referans Kwoze

Luk 10:39

Marta nug makkeg amu onig Maria. Jesus Nug lakka te, Maria nug Naɗi gumitta doa, baegppa heɗep na dayaya, Jesus nai mattiom ele amu, nug doyom.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

Aposel 22:3

Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

Luk 8:27

Amu Jesus Nug uubppanu aha, honap le ihippa no, danab laa aab amuppanu Nug gumitta doum. Danab amu nug ouɗi nau qalittak ele. Haen elab nug bam iitta oiyaya, lakka ii daattom. Iitta. Nug matmatppa daattom.

Luk 15:17

Aria, haen nug qagaiettak dayaya, nug nukka ooppa be dabma, nug nugakka nai mattia aum. ‘Da mamelnu uɗat nid oh ag am ee elelenab ele, amge da ippa daattem amu enug huanaknab niɗe, mauhkkulnu hettem.

Luk 2:46

Goya, aa Nug mattieheh, deɗ aɗit ukke, dimppa deɗ ewamppa aa Nug Kayaknu mettid lag ooppa dayeye anidpiɗ. Nug Juda dilag ippunittak danab oolagppa dayeye, ag nai mattiegeg doya, Nug eɗua oɗ madette daappig.

Mak 5:15

Ag gona, Jesus gumidna gona, ag danab amu dayeye anidppig. Anukka nug ouɗi nau kuɗum qalittak ele dayom, amge haen laa ag aɗi beum anidkkulagnu goppig amu, haen amuppa nug lamen takka, dabmak ena ele toetta dayom. Anam dayeye anidna, ag baɗappig.

Aisaia 53:12

Diig amunu da heppi, Nug danab ah oolagppa okkainab daya, Nug banppan awak keeke laa ag Nug dim lamidna, danab ɠagattag daatteb ele, Nug ag madakku. Da heppi, anam bekkunu diig laa am, nug doyaya, nuhig bauklel uua dayom. Laa am, ag nug danab nau ele laippu qagmaadna ⌊qeeg mauha, amuppa nug eheɗ haknu nob nau iitta mekkunu he elele mettom⌋. Laa am nug danab ah kuɗumnab dilag hipunin mawom. Amu laa am, Nug danab ah hipunin heppig ele, Nug amu dilagnu unuqittom,” awa atte.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Luk 8:34

Amu haen bo gumak danab ag keeke beum, amu anidna, ag oolna gona, ag keeke amunu aab miag dayom, amu nuhig wan taliliak ele, amuppa ag keeke aɗi anidppig amu aeg dooppig.