Luk 8:27 - Nobonob Baibel

²⁷ Amu Jesus Nug uubppanu aha, honap le ihippa no, danab laa aab amuppanu Nug gumitta doum. Danab amu nug ouɗi nau qalittak ele. Haen elab nug bam iitta oiyaya, lakka ii daattom. Iitta. Nug matmatppa daattom.

Luk 8:27 Referans Kwoze

1 Samuel 19:24

Saul nug anam haaha ukka, Naiot ta, nug lamen elab amu uɗa awa, nug lamen elab, lamen amu iitta ele dayom. Nug ele Samuel amegppa propet nai mehuqom. Nug anam ha, dimppa nug lamen elab ele uɗak, lamen laa aakkuib beɗu hautak dayeye, deɗ amuppa nug amun, tuqan ele wanppa niiom. Nug anam niieye, danab ah ag diig amunu, “Saul nug ele propet ele qagmeppigte?” aon adappig.

Namba 19:16

Peh dimittim amu, aun laa nug appa qep elabppa qe mauhak gaɗa aɗatte, o iitta nug laa hamu mauhom gaɗa aɗatte, o iitta mauhak ebehi laa aɗatte, o iitta mauhaknu moɗ amu, nug deɗ eblaih aɗit ele nug da ele ouqa dayaknu elele iitta daakku.

Aisaia 65:4

Danab ah amu ag matmatppa danab boumattak oolagppa daatteb. Ao, ag tuqan danab ah mauhppig ele ag nai madippeg dooglagnu dabmattanna daatteb. Da ag bo teppu, doɗ laala ele ii lamananu ami, amge ag bo teppu lanana, ag doɗ laala, doɗ amu ag lamananu aib ami ele, ag amu tebuppa lewa hena, lanan daatteb.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Mak 5:15

Ag gona, Jesus gumidna gona, ag danab amu dayeye anidppig. Anukka nug ouɗi nau kuɗum qalittak ele dayom, amge haen laa ag aɗi beum anidkkulagnu goppig amu, haen amuppa nug lamen takka, dabmak ena ele toetta dayom. Anam dayeye anidna, ag baɗappig.

Luk 8:26

Dimppa ag el qena gona, Gerasa danab dilag wan atu, amuppa eeɗppig. Aben amuam Galili le ameg laih daatte.

Luk 8:28

Danab amu nug Jesus antta ewa, wanppa Jesus baegppa na qe, Jesus Nug ouɗi nau danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainab ele ewa aum. “Jesus, na Kayak Attannab Laa Oh Eɗattak bekka. Na da attem heiɗkkutnu hettem? Na da guittak nau ii meɗamnanu oo doyak ele oɗ medattem!” awa eum. Haen kuɗum ouɗi nau nug danab amu aɗeɗe, danab ag nug gumanna, eppeg, baeg ele senppa qagttappig, amge nug sen pakkua awe, ouɗi nau nug nug awa aɗe, laih atu taɗakppa gottom.