Luk 8:25 - Nobonob Baibel

²⁵ Aria Jesus Nug ippunittak awak danab amelagppa aum. “Ag ahilag ooppa genab doyak amu adeppa daatte?” awa aum. Nug amu he, ag nuhignu ebehilkad oh bodoetta le me, dabmak ele kuɗum aona, ag akka akka mattin appig. “Danab imu am aun? Nug haknunab nai a, ulah, le ele aa ele danab imunu nai dim lamidttep!” aon appig.

Luk 8:25 Referans Kwoze

Matyu 8:26

Ag anam aeg amu, Jesus Nug aum. “Ag aɗinu anam baɗatteb? Ag oolagppa genab nakokib dootteb.” Nug anam awowa, Nug aha, ulah le ele dilahnu, aa anam hemayanu amelahppa a, ulah nug iitta me, le ele toetta, manin niiom.

Prowerb 30:4

Aun nug hab aabppa tewowa, eɗua neum ele? Aun nug ulah awa, eppegppa aɗom? Aun nug yu, lamen nuhigppa hautom? Aun nug wan imu oh heum? Laa amu heum am onig aun? Nug bekka ele am onig aun? Na doottem amunu, ⌊da ele dookkulnu,⌋ na appe doyei!

Matyu 14:31

Pita anam a amu, pahanab Jesus eppeg bahia, Pita aɗa, amegppa aum. “Na ootppa genab nakokib doottem. Aɗinu na dabmak aɗit ele?”

Jon 11:40

A am Jesus Nug aum. “Da tatam na amenppa imu ami. ‘Na ootppa genab dookkut amu, na Kayak ebehi gemu anidkkut,’ ” awa aum.

Luk 12:28

Ag antteg! Gikkiɗah gemu hippaitta daatte amu, butti ag okkulna, aab aɗuppa maoppeg tekku. Gikkiɗah am keeke hamu bia, amge Kayak Nug bala medatte amunu, ag tutukku doyeg! Kayak Nug ag ele genabnab dabmadakku. Ag oolagppa genab nakokib dootteb.

Matyu 17:20

Aeg amu Jesus Nug ag amelagppa aum. “Ahilag ooppa genab doyak am iitta bia amunu ag elele iitta. Da genab ag amelagppa attem, ahilag ooppa genab doyak nakokib dayeb, ad mastet aeg bia amu, ag keeke okkai hekkulagnu elele. Ao, ooppa genab doyak ahilag nakokib anam dayeb amu ag qauko umunu, ‘Na ahan laih uppa wa!’ appeg amu, geha wakku. Amunu ag aɗi hekkulagnu daatte amu ag hekkulagnu elele.

Prowerb 8:29

Haen Nug yu tom metta, yu nug tom ii eɗidmanu aum amu, da Nug ele daamuɗ. Ao, haen Nug wan ukku babaittatta dayom amu, da Nug ele daamuɗ.

Matyu 6:30

Ag antteg! Gikkiɗah gemu hippaitta daatte amu, butti ag okkulna, aab aɗuppa maoppeg tekku. Gikkiɗah am keeke hamu bia, amge Kayak Nug bala medatte amunu, ag tutukku doyeg! Kayak Nug ag ele genabnab dabmadakku. Ag oolagppa genab nakokib dootteb.

Matyu 8:10

Awa a amu, Jesus Nug amu doya, Nug ottaia dabmak kuɗum awawa, Nug danab ah Nug dim lamidppig, ag amelagppa inam aum. “Da genab ag amelagppa attem. Da Israel danab oolagppa, ooppa genab doyak imubia amu, da laa ii anidmi

Mak 4:35

Deɗ amu tueb me, aam noono Jesus Nug nuhikkud ippunittak awak danab amelagppa aum. “Ig ahat, Galili le ameg mataɗta, laih gotu!” awa aum.

Luk 8:24

nuhikkud ippunittak awak danab ag wana, Jesus maɗettan appig. “Naɗi, Naɗi, ig mauhkkunignu hettem!” aon appig. Aon aeg am Jesus Nug aha, ulah, le koɗkoɗ qeum ele amu, Nug aa amelahppa aa anam hemayanu a, ulah nug iitta me, le ele toetta, manin dayom; baula ii uɗalom.

Luk 8:26

Dimppa ag el qena gona, Gerasa danab dilag wan atu, amuppa eeɗppig. Aben amuam Galili le ameg laih daatte.