Luk 8:24 - Nobonob Baibel

²⁴ nuhikkud ippunittak awak danab ag wana, Jesus maɗettan appig. “Naɗi, Naɗi, ig mauhkkunignu hettem!” aon appig. Aon aeg am Jesus Nug aha, ulah, le koɗkoɗ qeum ele amu, Nug aa amelahppa aa anam hemayanu a, ulah nug iitta me, le ele toetta, manin dayom; baula ii uɗalom.

Luk 8:24 Referans Kwoze

Luk 4:39

Oɗ mettaeg amu, Jesus Nug noa, gumitta hibaitta dayaya he, beɗu gakkaɗak uuitte, nug paha aha digma, ehanittak keeke babaitta ehanattom.

Luk 5:5

A amu Saimon oɗeppa awa aum. “Danab Naɗi, tuqan imu ohppa ig uɗat naɗi hemut, amge ig kakai laa ii aomut, amge na ame amunu da uhui ekkul,” awa aum.

Nahum 1:4

Yawe Nug a, yu qaɗaiedatte. Ao, Nug a, le oh ele qaɗaiedatteb. Nug a, keeke oh Basan wanppa, Karmel wanppa ele mauɗna netteb. Ao, Lebanon wanppa haɗag oh nauhtteb.

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.

Matyu 14:30

Nug anam wanana amu, ulah huanak heehe antta baɗa, le ooppa nokkunu ha, Jesus onigppa ewa aum. “Naɗi, na da ehaniɗe!” awa eum.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Matyu 8:25

Nug niieye, nuhikkud ippunittak awak danab ag Nug gumidna gona maɗettan appig. “Naɗi, ig mauhmatanu, na ehanikke!” aon appig.

Mak 4:39

Ag anam aeg amu Jesus Nug aha, ulah amegppa nug anam hemanu ana, le amegppa, “Na uuna, toettan daye!” awa aum. Nug anam a, ulah nug iitta me, le ele toetta, manin niiom.

Luk 4:35

Nug anam aum, amge Jesus Nug ouɗi nau amegppa baag ɠagattagppa aum. “Na oɗen qamutna, danab amu uuidna ukke!” awa aum. Jesus Nug anam a amu ouɗi nau nug ag oolagppanu he, danab amu wanppa na qe, nug uuitta ugakka, danab amu nug beɗuppa eheɗ laa ii heum.

Luk 8:25

Aria Jesus Nug ippunittak awak danab amelagppa aum. “Ag ahilag ooppa genab doyak amu adeppa daatte?” awa aum. Nug amu he, ag nuhignu ebehilkad oh bodoetta le me, dabmak ele kuɗum aona, ag akka akka mattin appig. “Danab imu am aun? Nug haknunab nai a, ulah, le ele aa ele danab imunu nai dim lamidttep!” aon appig.