Luk 7:46 - Nobonob Baibel

⁴⁶ Amu na da ikkil goɗen ii laaidme, amge ah imu nug leppu muttuɗig enanag ele awa uɗia, da bael gokkaɗ qettom.

Luk 7:46 Referans Kwoze

Sam 23:5

Na ee okkai da lakkulnu dahil kekeɗ amelagppa hena, ⌊da ee okkai amuppa daakkulnu na oot okkai daatte miag atiak daakkunu,⌋ na goɗen muttuɗig enanag ele da ikkilppa gokkaɗttem. Na hee, keeke ena ena kap dahilppa ambak dayeye, laa gokkaɗa nette.

Eklisiastis 9:8

Na hanhan lamen ena takkan, goɗen ele ikkin uɗug laaitte!

Matyu 6:17

Amge danab ag na ee ohnu kud men daattem ii doomnanu, na ee ohnu kud men daanna, na iɗun ihan, ikkin qe! Na Mamen, Nug miag atiak ii daatte, Nugib dookku. Na Mamen, Nug keeke miag atiak iitta oh anidtte amu, Nug na nob ena eɗua medakku.

Daniel 10:3

Mettid ewam amuppa da ee miti enanag ele laa ii lami. Da doɗ teppu, wain ele nakok iinab lami. Da le laye dimppa goɗen beɗulppa ele ii laidmi. Da anamib daai ukke, mettid ewam amu male, da eɗuen, ee oh lainne, beɗul ele atognomi.

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

2 Samuel 14:2

amunu, Joap nug he, laa nug aab onig Tekoa ukka, nug appanu ah doyak dabmak ena ele omale uɗipiɗ. Ah amu nug uɗie, Joap nug ah amu amegppa aum. “Na mahiaya oiyak bia ippu hak hena, na mahiaknu lamen mena, na beɗun anttak ena daakkunu goɗen laa beɗun ii laidmana, auntai nahip-ppan laa mauhe, haen elab na dub mena oittem bia ippu hak hena,

Rut 3:3

amunu, na le laan, leppu muttuɗig enanag ele, amu ele laan, lamen ena mewona ahan, Boas nug uɗat hette abenppa gona daakkut, amge nug noobppa aib paha wappe anittom! Na ameg men daappe, nug ee, le ele lawowa,

Maika 6:15

Ag keeke eppaglag, amge ag meu ii aomna. Ag olip meu tappaglag, amge ag goɗen laa aon, beɗulagppa ii laidmana. Ag grep meu titiglag, amge ag wain aon, ii lamana.

Amos 6:6

Ag wain huana latteb; ag goɗen muttuɗig enanagnab, daden nob okkai ele laatteb. Ag amu oh hetteb, amge ag Israel padal mekku, ag amunu dabmena, oolag ii dootte; ag amunu dabmak nakok laa ii aotteb.

2 Samuel 12:20

Ag anam aeg, Dawit nug wanppanu ahom. Nug aha, le layowa, beɗu babaitta mala, nug lamen dubuttid iitta takka, nug Yawe laugppa ukka, Yawe noobppa dup noa binag meum. Nug amu ha mala, nug eɗua, lakka ukka, nuhig maɗi nid ee mettaglagnu a, ag mettaeg laum.

Luk 7:47

Amunu da na amenppa attem. Nug hipunin kuɗum heum amu, nug amunu uhuqak awom daatte amunu, Nug dahilnu oo huanak mauhtte. Amge danab nug hipunin nakok ha, hipunin uhuqa mettak aotte amu, nug oo mauhak nakokib dootte,” awa aum.