Luk 7:33 - Nobonob Baibel

³³ Aɗinu? Layattak Jon nug uɗia, nug ee digdig ii laum, wain ele ii laum amunu ag, ‘Nug beɗuppa ouɗi nau ele,’ aon atteb.

Luk 7:33 Referans Kwoze

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

Mak 1:6

Nug lamen kamel uɗigppa hak amu ma, nug imuagppa matagiɗ, doɗ gaɗappa hak ele takka, nug tap-lokus, uppuh leppu atuppanu awak ele lattom.

Aposel 2:13

Ag anam appig, amge laala ag awa awa qettak nai mattin, inam appig. “Umu amu, ag wain huana laeg, kaaka aqe hetteb,” aon appig.

Jon 10:20

Anam daanna, kuɗum laa ag appig. “Ouɗi nau nuhigppa daatte amunu, Nug kaaka qette. Ag aɗinu Nug oɗe dootteb?” aon appig.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Jon 8:48

Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Matyu 3:4

Amu Jon nug lamen kamel uɗigppa hak ma, nug imuagppa matagiɗ doɗ gaɗappa hak ele tagattom. Nuhig ee am atuppanu uppuh leppu, tap-lokus ele.

Matyu 10:25

Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.

Matyu 3:1

Jesus Nug Nasaret dayeye, Layattak Jon nug aha, Juda wanppa atu taɗakppa ukka, nug danab amelagppa nai mehuqom.

Luk 7:32

Ag am nid naunau ee oɗiak abenppa daanna, ameg laa amu ameg laa amelagppa enana, ‘Ig ahilagnu dumuttum iwalmut, amge ag ahi ii edappig. Ig ahi oo doyak ele ettamut, amge ag ii gaappig,’ atteb amubia hetteb.

Luk 7:34

Aria Danab Bekkalag da, da uɗien, ee le ele lattem amunu, ag atteb. ‘Antteg, nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb.