Luk 6:8 - Nobonob Baibel

⁸ Anam daaegeg, Jesus Nug ahilag dabmak doyaya, Nug danab eppeg nau ele amegppa aum. “Na ahan, danab ah noolagppa hippaidna daye!” awa aum. Nug anam a, danab nug hibaitta dayeye,

Luk 6:8 Referans Kwoze

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Matyu 9:4

Ag dabmak amu aoegeg, Jesus Nug nuhig dabmakppa amu doya, Nug ag amelagppa aum. “Ag aɗinu dabmak nau anam aotteb?

1 Pita 4:1

Aria, Kristus Nug danab beɗu awom, beɗu amuppa guittak naɗi awom amunu, ag ele Nug heum bia dabmak ɠagattag aweg! Aɗinu? Danab nug guittak beɗuppa awom amu, nug aakku hipunin tuɗitta hekkunu oo ii daatte.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Pilipai 1:28

Amu Kayak Nug ag Kristusnu oolagppa genab dooglagnu ehah mattom, amge Nug ag Kristusnu oolagppa genab dooglagnu ehah amu aakkuib ii mattom. Iitta. Ag Nug onignu uug maoglagnu ele ehah mattom amunu, kekeɗ ahilkad dilagnu aib baɗappig. Ag ii baɗaglag amu, amuppa kekeɗ ahilag ag geha padal mekkulagnu doonna, Kayak Nug nukka ag Pilipai daatteb, Nug geha ag eɗua diiadkku ele dooglag.

Aposel 26:26

Da king nug keeke imu oh dootte oolppa genab doottem amunu, da nug amegppa ii baɗeɗe, da nai imu madittem. Keeke imuam lokkumakppa ii beum amunu da doottem, nug keeke imu oh doyom,” awa aum.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Jon 9:4

Amahlak aakku daatte amunu ig laa, Nug da meiɗe uɗimi ele amu, ig nuhig uɗat hekkunigoitte. Gatatu nekkunu haen aakku malatte, gatatu neeb amu, aun laa nug uɗat ii hema.

Jon 2:25

Nug danab dilag dabmak, diilag ele oh doyatta malom amunu, Nug danab laippu laa nug danab dilag dabmaknu, diilagnu ele Nug amegppa akkunu duttunak laa ii doyom. Iitta!

Luk 5:22

Aeg, Jesus Nug nuhig dabmakppa ahilag dabmak amu doya, Nug ag amelagppa aum. “Aɗinu ag dabmak anam ele?

Aisaia 42:4

Nug amu hekkunu dabmak nug ooppa dayebeb, aɗitai laa ii qeeb nema; nug ooppa ɠagattag ele doyaya, nug uɗat amu ii uuma. Nug heeb, nai doya mala hettoɗia epeɗia elele mettak kobol am danab ah wan ohppa daatteb, ag kobol amu tonatteb oiglag. Danab ah wan miagnu, wan umanu ele, ag nuhig nai amuppanu ena bekkulagnu dabmak aɗan oiglag,” awa atte.

Job 42:2

“Da doottem, na keeke oh hekkutnu elele. Na keeke laa hekkutnu maittak aome dayeb amu, laa nug heeb, na ii hemananu elele iitta.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

Luk 6:9

Jesus Nug ɗo gumak danab-Parasia amu ɗo mehuqak danab ele oɗ mattom. “Ɗo ihinig aɗi atte? Ig Sabat deɗppa ena hekkunig am enatai o iitta ig Sabat deɗppa eheɗ hekkunig am enatai? Ig hepput danab mauhkku, amuam enatai o iitta ig hepput, danab laa nug mauhkkunu hette ele, nug elele daakku, amuam enatai?” awa aum.

Mak 3:3

Anam daaegeg, Jesus Nug danab eppeg nau ele amegppa aum. “Na ahan, danab ah noolagppa hippaidna daye!” awa aum.

Luk 13:12

Jesus Nug ah amu anttowa, onigppa e do, amegppa aum. “Ah da oɗe nahip amuppanu uhuqttem,” awa aum.