Luk 6:46 - Nobonob Baibel

⁴⁶ Aɗinu ag dahilnu, ‘O Naɗi, O Naɗi,’ aon atteb, amge ag dahil nai dim ii lamidtteb?

Luk 6:46 Referans Kwoze

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

Galesia 6:7

Laa nug ag buppualatteb dim lamidmananu dabmeig! Laa nug Kayak hambuppuidkkunu elele iitta. Amu inam. Danab nug ee tumu ebatte amu, geha dimppa ee tumu eppom amuib meu amu aokku; meu laa ii aoma.

Matyu 25:44

Da anam appi amu, ag akkulag. ‘Naɗi, na ganeb enug daame, o na le baat diiom, o na aab diig danab iitta daame, o na lamen iitta daame, o na oɗe daame, o iitta na maniguittakppa daame amu, ig na anidta ii ehanidmut?’ aon akkulag.

Matyu 25:24

Am danab nug talent laippu awom nug ele doa, nuhig okkai amegppa aum. ‘Naɗi, da doottem, na am danab ɠagattag, na ii eppameppa meu aokkutnu doottem. Am na ee aeg ii tauɗmeppa ele meu aokkutnu doottem.

Matyu 25:11

Dimppa ah makkun dabmak iitta ele ag ele uɗippig. Uɗin appig. ‘Naɗi, naɗi, od matulna mekke!’ aon appig.

Jems 1:22

Ag akka ag oolag buppuidna, Kayak nai am keeke hamu bia aib dooppig. Ag nai amu doon, genab dim lamitteg!