Luk 6:45 - Nobonob Baibel

⁴⁵ Am danab ena, nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette. Aɗinu? Danab nug ooppa aɗi dabmak ambak niitte, amuib amu oɗeppa ele maditte.

Luk 6:45 Referans Kwoze

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Jon 7:38

Laa nug dahilnu ooppa genab dootte amu, Kayak naippa yaak laa daatte amubia, ‘Nug ooppanu le bauklel ele kuɗum am bena gonana daaglag. Iitta ii mema,’ ” awa aum.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Sam 59:12

Dahil kekeɗ ag dada hena, ag nai nau atteb. Yo, ag oɗelagppa ag laa ag eheɗ laa awaknu anak waappa daaglagnu ana, ag hambubutteb. Anam amunu, nai nau ag atteb, amu dada hak kobol ahilag ele, keeke aɗit amuam ahilag pelem bia dayebeb, na heppe, ag amuppa nena qekkulagnu oɗ medattem.

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!

Prowerb 12:18

Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Epesus 5:19

Ag qagmena daana amu, ag sam, mettidnu ahi, amu Naɗi binag maknu ahi ele etteg! Ag oolkadppa Naɗi humidkkulagnu, ag ahiettak, amu ahi baag ele heig!

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 59:7

O Kayak, danab nau amu oɗelagppanu nai nau huanaknab nette, na nai amu dookkutnu unuqidttem. Ao, qep elab aeg nau ele danab guittak okkai medatte, ag oɗelagppanu nai am amubia hette. Ge, ag amu hettebnu diig am, ag nai nau oh amu mattieg neene, ag hibguitta hena, inam atteb. “Aun ig dooikka bu iqakku?”

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.