Luk 6:42 - Nobonob Baibel

⁴² Na dabmak attem aona, na layap amegppa, ‘Lai, da ad huppu nagnag gikkiakppanu na amenppa daatte amu aokkulnu hettem,’ attem? Na anam attem, amge na nakka amenppa ad imuag dayakib daatte amu, na ii anidttem. Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!” awa aum.

Luk 6:42 Referans Kwoze

2 Pita 1:9

Amge danab laa nug kobol digdig amu iitta ele amu, nug keeke uma daatte ii anidtte; nug am ameg gaɗuom daatte. Nug hipunin anukka heum ele amu, Kayak uhuqa mettom daug atiom.

2 Timoti 2:21

Amunu amubia danab laippu laa nug kobol nau oh amu lamitte ukke, nug oppiaawak daatte dayeb amu, nug am tappiɗ, nuhignu enanag dootteb, amubia nug Kayak amegppa enanag daakku; nuhig uɗat hekkunu elele. Nug aɗi uɗat ena oh hekkunu babaittak daakku.

2 Korint 5:18

Am Kayak nukkaib he, amu oh bette. Anukka ig nuhig kekeɗ daamut, amge Kristusnu uɗat okkaippa amu Nug he ig Nug ele oonig laippu bemut daattem. Anam daautut, ig danab laa amelagppa Kayak Nug ag eɗua diieb ag Nug ele oolag laippu daaglagnu oo daatte apput dooglagnu meikkom.

Rom 2:1

Amunu, na danab aun, na laipad epeɗiadna, eheɗ heppignu nob nau aoglagnu attem ele amu, na am attemun? Na ele eheɗ amu hettem amunu, na Kayak noobppa, “Da hemi amuam da beɗulppa iitta,” akkutnu elele iittanab. Na laipad epeɗiadna, ag eheɗ hena, nob nau aoglagnu attem, haen amuppa na ele eheɗ nahipnu nob nau aokkutnu, na nakka nai beɗunppa iite yaattem?

Aposel 13:10

“Na Satan bekka. Na kobol ena oh dilag kekeɗ. Hambuppuak kobol oh amu kobol naunab oh ele na beɗunppa ambaknab. Na hanhan Naɗinu ib tutukku oh heppe, kaliak daaglagnu hettem amu, na kobol amu genab iinab uumna?

Aposel 8:21

Na uɗat imu, ig hettem ele amu, na amu ooppa daakkutnu elele iittanab. Aɗinu? Kayak anidtte; na oot am tutukku iitta.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Luk 13:15

Anam a amu, Naɗi Nug eɗua aum. “Ag am hambuppuak danab. Sabat deɗppa amu, ag oh doɗ laulagppa gotteb. Gona ahilkad makau, donki ele diin gona, le madatteb.

Matyu 26:75

Matuk gaye amu Jesusnu nai Pita daugppa doum. Nai amuam inam. “Tuqan imuppa na dahilnu, ‘Da Nug ii doottem,’ aon, ewam batak akkut. Na haen ewam anam appe, geha matuk dawai nug gaakku.” Nai amu Pita daugppa do, nug dimittim ukka, huanaknab gayom.

Prowerb 18:17

Danab nug tatam aɗi aɗi anttomnu maditte amu, laala ag doon, “Nug tutukku maditte,” atteb; amge ukke ukke, laa doa, nug danab amu oɗmak mette, ag, “Imu genabtai, o iittatai mattiom?” atteb.

Matyu 7:3

Aɗinu na layap amegppa ad huppu nagnag gikkiakppanu daatte, na amunu neegttem, amge na nakka amenppa ad imuag laa daatte, na amunu dab-ii-mettem?

Matyu 7:4

Na dabmak attem aona, na layap amegppa, ‘Lai, da ad huppu nagnag gikkiakppanu na amenppa daatte amu aokkulnu hettem,’ attem? Na anam attem, amge na nakka na amenppa ad imuag dayakib daatte.

Luk 6:41

Aɗinu na layap amegppa ad huppu nagnag gikkiakppanu daatte, na amunu neegttem, amge na nakka amenppa ad imuag laa daatte, na amunu dab-ii-mettem?

Luk 6:43

Ana amu, Nug baula aum. “Ad ena nug meu nau ii otte, amubia ad nau nug meu ena ii otte.