Luk 6:41 - Nobonob Baibel

⁴¹ Aɗinu na layap amegppa ad huppu nagnag gikkiakppanu daatte, na amunu neegttem, amge na nakka amenppa ad imuag laa daatte, na amunu dab-ii-mettem?

Luk 6:41 Referans Kwoze

Jon 8:7

Anam dayom, amge ag eɗunna oɗmak amunu baubau heppig. Anam heeg amu Nug eɗua tutukku dayaya, ag neekkattatta aum. “Ag oolagppa aun laa nug hipunin iitta daatte amu, nug tatam menppa ah imu menppa makkuɗaɗ!” awa aum.

Jems 1:24

Nug nukka iɗu anttowa, nug eɗua ukka, nug pahanab nug nukka iɗu attemnab anttom amu, nug ameg atitte.

Rom 2:1

Amunu, na danab aun, na laipad epeɗiadna, eheɗ heppignu nob nau aoglagnu attem ele amu, na am attemun? Na ele eheɗ amu hettem amunu, na Kayak noobppa, “Da hemi amuam da beɗulppa iitta,” akkutnu elele iittanab. Na laipad epeɗiadna, ag eheɗ hena, nob nau aoglagnu attem, haen amuppa na ele eheɗ nahipnu nob nau aokkutnu, na nakka nai beɗunppa iite yaattem?

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Esekiel 18:28

Nug hipunin heum, nug amu oh dabmetta, uua dimedatte, diig amunu nug bau daakku. Nug ii mauhma.

Sam 36:2

Aɗinu? Ag akka ag ahilagnu enanagnab dooglagnu ag akka ahilagnu oo eeɗaknu ittag nai maditteb. Ag Yawe Nug ag hipunin heppeg anidkkunu elele iitta daya, ag eheɗ heppignu ag amelagppa ii ama, ag anam dabmetteb.

1 Stori 21:6

Joap nug anam Dawit amegppa aum, amge nug Dawit nug ebqak amu haknunab aum, nug amunu ena iinab doyom amunu, nug Lewi buɗub, Benyamin buɗub ele, nug amu dilag ebqak laa dilag ebqak ooppa me, Dawit amegppa ii aum.

1 King 2:32

Joap nug danab aɗit hamu aqate, Yawe Nug nob iikku medakku. Da mamel, Dawit, nug ii doyeye, Joap nug qep elabppa ban ha, Ner bekka Apner, nug am Israel ban daup ikki anuqak, amu Jeter bekka Amasa, nug am Juda ban daup ikki anuqak, Joap nug aa hamu aqate mauhpiɗ, amge aa am danab aɗit, ahilah oiyak, ahilah kobol ele am ena. Aa, amu ahilah hak ele, am Joapnu kobol, oiyak ele eɗittom.

Matyu 7:1

Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag.

Luk 6:40

Ippunittak awak danab nug ippunittak danab nuhig ii eɗidtte. Nug ippunittak nai oh awa malowa amu, nug ippunittak danab nuhig bia daakku.

Luk 6:42

Na dabmak attem aona, na layap amegppa, ‘Lai, da ad huppu nagnag gikkiakppanu na amenppa daatte amu aokkulnu hettem,’ attem? Na anam attem, amge na nakka amenppa ad imuag dayakib daatte amu, na ii anidttem. Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!” awa aum.

Mak 8:7

Kakai naunau laippu laippu ele dayom amunu Jesus Nug amunu ele Mameg amegppa, “Ena heme” awowa, paniglagnu ippunittak awak danab ele mattom.