Luk 6:39 - Nobonob Baibel

³⁹ Jesus Nug anam ana, Nug nai tuɗitta keeke danab ag dootteb ii dootteb ele ouaqata ippuanatta, nai laa inam ele amelagppa mattia aum. “Danab ameg gaɗuak, nug layag ele ameg gaɗuak amu, laa nug laa ib ippunidkkunu elelete? Iitta. Nug anam heeb, aa oh goya, moɗppa neya qekkulah.

Luk 6:39 Referans Kwoze

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

2 Timoti 3:13

Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

Aisaia 56:10

Israel dilag okkai ag danab ameg gaɗuom bia daatteb. Ag doyak iitta. Ag oh am qai baag nauhom bia daatteb. Ag oh am qai gaamɗu qekkunu elele iitta bia daatteb. Ag niinna, tul ele niitteb. Ag niiglagnu oolag mauhtte.

Aisaia 9:16

Ikki danab ag ib ena, ib tutukku, amu kobol ena ele danab ah ii ippuanatteb, amuppa danab ah ag ib ena apiɗidna ⌊ag padal metteb⌋.

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Jeremaia 8:12

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Jeremaia 6:15

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Da bu eheɗ madappi, ag nena qekkulag,” awa atte.

Rom 2:19

ag danab amelag gaɗuak ib ippunadkkulagnu, ag akka ahilagnu ag elele dootteb. Amu ag danab gatatuppa daatteb dilag amahlak danab daatteb dabmena,

Matyu 13:3

Ag anam daaegeg, Jesus Nug keeke danab ag dootteb ii dootteb ele ouaqata ippuanittak naippa keeke kuɗum ag amelagppa mattiom. Nug inam mattia aum. “Ee aeg eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom.