Luk 6:38 - Nobonob Baibel

³⁸ Ag danab keeke madappeg amu, laa ag eɗun ag keeke mattaglag. Ag keeke ambeeb, ye noak dayeb, baubau ineb amba gokkaɗebeb aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag,” awa aum.

Luk 6:38 Referans Kwoze

Duteronomi 15:10

Ag oolag qak iitta, hamu elelenab mattaglag. Aɗinu? Ag amu hekkulag dayeb amu, Yawe, ahilag Kayak, Nug ag aɗi hekkulag, Nug amu ohppa ag itadkku.

Mak 4:24

Aria, Jesus Nug baula aum. “Ag aɗi dootteb amu, ag daulag human, tutukku doyeg! Ag lailkad dilagnu aɗi melemelppa keeke hetteb, ag melemel amuppaib geha keeke aoglag. Ag amu aona, ag baula ele tuɗittak aoglag.

Matyu 7:2

Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Prowerb 22:9

Laa nug laa keeke mettaknu oo qak iitta danab, nug itittak ena aokku; amunu diig am, nug daɗek ee madatte.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

Luk 6:30

Am danab laa nug keeke medakkutnu oɗ metteb amu, na nug mette! Aria, danab laa nug aɗi keeke nahip aweb, na aib eɗua medakkunu wagai meme.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Job 42:11

Yawe ehanitte, Job eɗua ena daya, keeke ele daye amu, nug awakkud, amakkud, appinkkud ele, amu laa oh ag nug tatam dooppig ele amu, ag oh uɗin, nug laugppa ee lappig. Ag uɗin, uug oh ⌊ahilag dabmakppa⌋ Kayak he, Job nuhigppa beumnu amu, ag oo mak nai nug mettan, ag anen anen oh silwa men doɗo laippu, eppeg doɗoppanu ring golppa hak laippu ele nug medappig.

Sam 79:12

O Naɗi, danab ah ig guguikkak daatteb, ag na aon aon nidappig amu, na ag bu haen eblaih aɗit ele eheɗ heppignu bu madakkutnu oɗ medattem.

Esta 9:25

Amge Esta nug king gumitta ukke, king nug ɗo nai laa babaitte, Hamannu eheɗ laa hekkunu lokkumakppa dabmaama maittak eheɗ awak, maittak amuppa nug Juda eheɗ hadakkunu dabmeum amu, maittak amu Haman nug, amu nug bekkod ele am eɗua, ahilagppa uɗie, ag ag balal attan danab aihaknu hak, ag amuppa aihadppig.

Ikki Danab 1:7

Ag amu heeg, dimppa Adoni Besek nug aum. “Da king 70 ele ban heta eɗatte, ag eppelkad tanig, amu baelkad tanig ele otaɗadmi. Da amu hein malai amu, ag ee huppu dahil balal waappanu amu lappig. Gemu Kayak Nug da ahilagppa heminu noob meɗom,” awa aum. Am Juda, Simeon danab ele ag nug aon Jerusalem ukkaeg, nug appa mauhom.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Jeremaia 32:18

Na nahip oo mauhaknab kobol dim lamidnana, buɗub buɗub doobob tausen gane batak ehanadttem, amge na danab hipunin hetteb ele bu aqatte ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte. O Kayak, na onin okkai ele, na ɠagattag ele, na onin am Yawe Nakka Ɠagattag Oh Ele.

Eksodas 21:24

Amu laa nug laanu ameg heeb nauhkku dayeb, ag nug ameg heppeg nauhaɗ! O nug laanu aeg heeb qiikku amu, ag nug aeg heppeg qiiaɗ! O nug laanu eppeg heeb nauhkku dayeb amu, ag nug eppeg heppeg nauhaɗ! O nug laanu baeg heeb nauhkku dayeb amu, ag nug baeg heppeg nauhaɗ! O nug laanu gaɗa kuhakku dayeb amu, ag nug gaɗa kuheg! O nug laanu gaɗa otaɗkku dayeb amu, ag nug gaɗa otaɗeg! O nug laa beɗu laih adekkuppa heeb, hin qekku dayeb amu, ag heppeg, nug gaɗa anamib hin qaɗ!

2 Samuel 19:36

Da, da nahip maɗi nid amu, da na ele oh Jodan le imu mataɗa, da ib tutuib na ele oh goɗa, na gobeppe, da eɗuen uɗikkul. Na dahilnu ena hekkutnu attem, amge da aɗi kobol enanag laa hemi amunu, na anam helom?