Luk 6:30 - Nobonob Baibel

³⁰ Am danab laa nug keeke medakkutnu oɗ metteb amu, na nug mette! Aria, danab laa nug aɗi keeke nahip aweb, na aib eɗua medakkunu wagai meme.

Luk 6:30 Referans Kwoze

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Aposel 20:35

Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Matyu 6:12

Laa hipunin megappig, ig uhuqta mattamut, amubia na hipunin ihinig uhuqna megakkutnu na unuqidttem.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Prowerb 21:26

Danab bahi iittanab nug hanhan keeke baubaunu oo huana hette; amge genab tutukku hak danab ag oo qak iittappa laa keeke madatteb.

Sam 41:1

Am danab nug daɗek danab ah anatta, nug ahilagnu oo bodoettak ele doyadtte amu, nug itittak ena awom daatte. Danab nug daɗek anam ehanadtte amu, uug digdig nuhigppa betteb amu beegeg, Yawe Nug danab amu ehanidtte.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Luk 6:38

Ag danab keeke madappeg amu, laa ag eɗun ag keeke mattaglag. Ag keeke ambeeb, ye noak dayeb, baubau ineb amba gokkaɗebeb aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag,” awa aum.

Matyu 18:35

Anam amunu ag lailagnu eheɗ hak oolag ohppa uhuqna ii medappeg amu, da Mamel, hab aabppa daatte, Nug ele ahilagppa anamib hekku,” awa aum.

Eklisiastis 8:16

Amu haen da doyak dabmak ena elenu diig dookkulnu, da danab ah wanppa aɗi aɗi uɗat ii niinna henan daatteb ele anidkkulnu heinne amu,

Prowerb 22:9

Laa nug laa keeke mettaknu oo qak iitta danab, nug itittak ena aokku; amunu diig am, nug daɗek ee madatte.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

Eklisiastis 11:2

Na nug ehanittak nahip am ib kuɗumppa hee! Aɗinu? Na wanppa aɗi uug naunab digdig bekkunu daatteb amu, na ii doottem.

Matyu 5:39

Amge da ag amelagppa attem. Eheɗ hak danab aun nug ahilagppa eheɗ anam bia heeb, ag nuhigppa nob aib meppig. Am inam bia. Danab nug na hippen laih mataɗeb, na nob nau aib eɗun mettame. Iitta. Na hippen laih ele eɗun mette!

Luk 6:29

Am danab laa nug na hippen laih ob, na eɗun nob nau aib mettame. Iitta. Na eɗun hippen laih ele medakkut. Am danab laa nug ⌊na hettoɗiakppa meitta,⌋ lamen elab nahip aweb, na wagai aib meme. Iitta! Na lamen nakok elab nahip ele medakkut.

Luk 6:31

Amu ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig!