Luk 6:29 - Nobonob Baibel

²⁹ Am danab laa nug na hippen laih ob, na eɗun nob nau aib mettame. Iitta. Na eɗun hippen laih ele medakkut. Am danab laa nug ⌊na hettoɗiakppa meitta,⌋ lamen elab nahip aweb, na wagai aib meme. Iitta! Na lamen nakok elab nahip ele medakkut.

Luk 6:29 Referans Kwoze

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

2 Korint 11:20

Ao, danab laa nug ag nugib waappa daaglagnu atte dayeb, o nug keeke ahilag amu oh aotte dayeb, o nuhig hambuppuakppa ag diitte dayeb, o nug enaen ma duttunadtte dayeb, o nug eppeg oohap ta, hippelkad mataɗadtte amu, aria ag nuhig nai, nuhig kobol ele epeɗilob am ena, amge ag anam ii hetteb amunu, nug aakku anam hette.

1 Korint 6:7

Amu ag lailkad ele nug hettoɗina, hettoɗiakppa maadtteb ele amu, amuppa ag nena qetteb. Ag oolagppanu laa nug layagppa eheɗ heeb, nug layag nug hettoɗiakppa ii mekku am ena. Nug nukka uug amu mawa oikku am ena. Hettoɗiakppa mak am ena iitta. O ag oolagppanu laa nug layagnu keeke yab aweb amu, layag nug hettoɗiakppa ii mekku am ena. Nug nukka uug amu mawa oikku am ena. Hettoɗiakppa mak am ena iitta.

Jon 18:22

Jesus Nug anam a amu, daup laa hibaitta dayom ele nug eppeg oohap ta, hippeg mataɗaɗa aum. “Na mana mettak ikki danab nai amuppate nob medattemte?” awa aum.

Matyu 26:67

Anam ana, ag Jesus iɗuppa hununna, amu eppelkad bitakkana makkuɗppig. Laa ag eppelag oohap tena, mataɗnana

Gayak Nai 3:30

Laa ag nid bau amu hippeg okkulagnu hetteb amu, nug hippeg ag mataɗ! Ao, laa ag nug uɗa nak nau guittak ele dookkunu hekkulag dayeb amu, nug am aib uuom.

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

1 Korint 4:11

Yo, ig totol ig uɗat imu wan imuppa heutut, digma uɗie, gemu ele enug iqe, baanig qaɗaiedatte, beɗunig hautaknu lamen ele ena iitta daattem. Laa ag eppelag bitakkan beɗunig eheɗ oigtteb. Ig dayaknu aben ele iitta.

Luk 22:64

Ag lamenppa ameg qakkan, eppelagppa Nug iɗu owona amu, ag appig. “Kayak na ehanitteb, aun nug na oittom appe dootu!” aon appig.

Aposel 23:2

Pol nug anam awa a amu mana mettak ikki danab Ananias, nug aha, danab Pol guguittak daappig amu ag nug otti mataɗkkulagnu amelagppa aum.

Maika 5:1

Kekeɗ ag uɗin, oo mekkan iqaglagnu daatteb amunu, Juda dilag anuqak danab, ag appeg, ban danab, ag ban hekkulagnu babaittak dayeg! Kekeɗ ag Israel dilag okkai hippeg buppa makkuɗkkulag.

2 Stori 18:23

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

2 Samuel 19:30

Dawit nug anam a, Mepiboset nug king amegppa aum. “Na dahil naɗi, dahil king. Na maɗoɗ ele eɗun uɗime amunu, Siba nug wan oh aweb, nuhig daakku am nai iitta. Da anidttem amu, na ena anam eɗun uɗime amuib am keeke okkai,” awa aum.

Luk 6:30

Am danab laa nug keeke medakkutnu oɗ metteb amu, na nug mette! Aria, danab laa nug aɗi keeke nahip aweb, na aib eɗua medakkunu wagai meme.