Luk 6:25 - Nobonob Baibel

²⁵ O gadonnab gadon ag danab ag gemu ee laeg, oolag diditte ele. Ag dabmeig! Aɗinu? Geha dimppa ag enug aqakku. O gadonnab gadon ag danab ag gemu imatteb ele. Ag dabmeig! Aɗinu? Geha dimppa ag uug doon gaappeg, amelag leb nekku.

Luk 6:25 Referans Kwoze

Aisaia 65:13

Ag nau amu hetteb amunu, Naɗi Yawe Nug inam atte. “Dahilad danab ah, ag am dahilad maɗi nid maɗi ah ele amu, ag ee lakkulag, amge ag nau hetteb ele, ag enug aqakku. Dahilad danab ah ag le oug lakkulag, amge ag nau hetteb ele, ag le baalag diikku. Dahilad danab ah ag oolag gamag ahakku, amge ag nau hetteb ele, ag uɗalag nekku.

Jems 4:9

Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!

Prowerb 14:13

Deɗ laala danab nug imakku, me ooppa nug guittak doottetai; amu deɗ laala nug oo gamag ahak dootte, me oo gamag ahak amu gogppa uug ele bettetai.

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Epesus 5:4

Ag nai oppiaawak iitta, nai dabmak tutukku iittappanu, amu qiɗ hak nai nau ele amu, ag amu mattiglagnu elele iitta. Ag amu aib madippig. Iitta. Ag amu uuna, Kayak amegppa, “Ena heme,” anan dayeg!

Luk 13:28

⌊Amu ag ooppa nokkulagnu elele iitta amu,⌋ haen ag Abraham, Aisak, Jakop amu propet oh ag Kayaknu ɗo maɗoɗ ooppa daappeg anadnana, ag am geɗattak dimittim daatteb doonna, ag gaanna, aelkad ele emalkkulag.

Luk 12:20

Nug dabmak nuhigppa anam aum, amge Kayak Nug amegppa aum. ‘Na am Kayak dab-ii-maama ii dim lamittak danab! Gemu tuqan imuppanab amu, na mauhkkut. Anam am, keeke oh na bappaidme daatte amu, aun nug aokku,’ awa aum?”

Nahum 1:10

Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Aisaia 28:7

⌊Amu anam aakku bekku, amge gemu⌋ Israel danab le lanak kobolppa daatteb amu, ag Israel danab ah gumadtteb. Propet danab, mana mettak danab ele oh le ɠagattag lana, spak menan, taataɗ qeegeg, hak ahilag am nauhom. Ag amubia oitteb amunu, dabmak ahilag eɗatte, maɗi ahilag amu, ag tutukku ii hetteb. Propet ag Kayak Nug tulppa keeke ippunatte, ag pehettak ii anidtteb. Mana mettak danab ele ag danab ah dilag keeke tutukku ii epeɗitteb.

Aisaia 9:20

Danab ah oh anen anen ag henana, mudippan lailkad heqo laih daatteb amu, ag amu dilag keeke aɗualadkkulag, amge ag enug qak doon oiglag. Ag mudippan lailkad laih laa daatteb amu, ag amu dilag keeke aɗadna lakkulag, amge ag oolag iinab aɗama. Ag anam henana, ag anen anen oh ag bekkalkad aɗelkad aɗi aakku lattaglag.

Aisaia 8:21

⌊Am genab, danab ah ag ib hambuppuakppa doyak aoglagnu hetteb ele amu,⌋ ag am geha haen nau aoglag. Ag geha oolagppa uug nau doonna, enug aqebeb, wanppa talilin oiglag. Ag anam oinna, ag enug aqakku. Enug amunu ag oppoɗilag beeb, amelag kokoɗ eppeb, ahilag king, amu ahilkad kayak ele ag eheɗ laa awaknu anak waappa daaglagnu nai akkulag. Ag neegppeg habppa teebeb,

Eklisiastis 7:6

Aɗinu? Danab nug keeke laa bunaɗa qaɗaietta auta autanab awom ele, nug keeke amu waa waappa amote, ewa huana ewawa, oqotti otte, amu; danab nug Kayak dab-ii-maama ii dim lamidtte ele, nuhig imak am anam bia. Amu ele am gaɗappa, unuqagppa ele anttak laippu iitta.

Eklisiastis 7:3

Mahiak am imak eɗidtte; amunu diig am danab nug mahiakppa butti aɗinu keeke dabmaama, oiyak nuhig hettoɗitte.

Eklisiastis 2:2

Da anam antten, da ami. “Danab nug hamu hamu imatte amu, amuppa nug dabmak tutukku iittappa keeke hette. Nug beɗu aɗi kobol hekkunu eeɗe hette amu, amuppa nug aɗi keeke ena he bette?” awe ami.

Prowerb 30:9

Da enub, o daɗek danab dayak uuttemnu diig am, da enub danab daakkul dayeb, da na dimetten, ‘Yawe am aun?’ akkultai. O iitta, da daɗek danab daakkul dayeb, da keeke yab awen, amuppa da na, dahil Kayak, da na onin heppi, laa dilag neekkakppa ena iitta daakkutai.

Sam 49:19

Anam daakkutai, amge diig amunu nug laa oh mauhppig bia iite mauhma? Nug mauhkku. Nug baula aam beeb ii anidma.

1 Samuel 2:5

Yawe he, danab ag keeke oh ele amu, ag eɗun, keeke iitta ele daanna, ag danab laanu uɗat henana, ee daden mekkulagnu men doɗo aotteb. Ao, Nug he, danab ag enug daappig ele, ag gemu ee ele daatteb; ag enug iitta. Yawe Nug he, ah laa nug mattoi dayom amu, nug nid eblaih aɗit ele menuattom. Ao, Nug he, ah laa nug nid danab kuɗum menuattom ele, nug nid amu mahiadtte.

Luk 6:24

Amge o gadonnab gadon ag danab enulag ele. Ag dabmeig! Aɗinu? Ehanittak laala, ag oolag ena daakkunu amu, ag wan imuppa aakku aon malappig.

Luk 6:26

O gadonnab gadon ag danab ag gemu daaegeg, danab ah laa oh ag ag binalag metteb. Ag dabmeig! Aɗinu? Anukka ag alalkad ag anamib propet hambuppuak dilagppa heppig.