Luk 6:21 - Nobonob Baibel

²¹ Ag gemu enug aqatte ele, ag itittak ena aoppig daatteb. Aɗinu? Kayak Nug heeb, ag oolag didikku. Ag gemu oolagppa uug doon gaatteb ele amu, ag itittak ena aoppig daatteb. Aɗinu? Ag oolag gamag ahakku.

Luk 6:21 Referans Kwoze

Jon 6:35

Aon aeg amu Jesus Nug aum. “Bauklelnu bret am da. Danab nug dahilppa dotte amu, nug enug qak baula ii dooma. Am danab nug dahilnu ooppa genab dootte amu, nug le baag diiak baula ii dooma.

Matyu 5:6

Danab aun aɗi ag Kayak noobppa genab tutukku daaglagnu oolagppa enug qak bia dootteb ele amu, ag itittak ena aoppig daatteb. Aɗinu? Ag amu ambak aoglag.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Luk 1:53

Danab enug aqak dooppig ele amu Nug he, oolag dittiom. Ao, danab ag enulag ele amu, Nug aɗatte, ag keeke laa ii aɗappig, hamu goppig.

Matyu 5:4

Danab aun aɗi ag oolagppa ⌊hipuninnu⌋ guittak dootteb ele amu, ag itittak ena aoppig daatteb. Aɗinu? Ag oo mak aoglag.

Revelesen 7:16

Anam amunu, ag geha baula enug ii aqama, le ele baalag ii diima. Aamnu gakkaɗak, aria gakkaɗak nau laala ele ii aqama.

Luk 6:25

O gadonnab gadon ag danab ag gemu ee laeg, oolag diditte ele. Ag dabmeig! Aɗinu? Geha dimppa ag enug aqakku. O gadonnab gadon ag danab ag gemu imatteb ele. Ag dabmeig! Aɗinu? Geha dimppa ag uug doon gaappeg, amelag leb nekku.

1 Korint 4:11

Yo, ig totol ig uɗat imu wan imuppa heutut, digma uɗie, gemu ele enug iqe, baanig qaɗaiedatte, beɗunig hautaknu lamen ele ena iitta daattem. Laa ag eppelag bitakkan beɗunig eheɗ oigtteb. Ig dayaknu aben ele iitta.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Aisaia 30:19

Amu danab ah ag Sion daaglag. Ge, ag Jerusalem appa daaglag. Amu ag ⌊Sion danab ah, ag Sion daatteb amu, ag appa⌋ daanna, ag baula ii gaamna. Ag Yawe unuqidppeg, Nug ahilag unuqittak amu doya, Nug oo bodoette enanag maɗoɗ ele hak kobol dim lamitta, ehanadkku. Nug unuqittak ahilag doya, pahanab, haen amuppanab Nug nob ena madakku.

Sam 107:9

Aɗinu? Nug danab ah ag lenu baalag diitte, le matte, ag elele latteb. Ao, Nug danab ah enug aqatte amu ee matte, ag ee ena laeg, oolag aɗatte.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Genesis 21:6

nug aum. “Kayak Nug he, da imak maɗoɗppan gamag ahakppanu aomi daattem. Amu danab laa oh ag keeke dahilppa beum dooglag amu, ag ele anamib dooglag,” awa aum.

Genesis 17:17

Kayak Nug anam a amu, Abraham laippun gateg qaun o, gomela, iɗu wanppa ma dayaya, nug nukka imaama, ooppa aum. “Danab laa nug maɗ 100 ele dayaya amu, nug nid danab aokkute? O Sarah nug maɗ 90 ele dayaya amu, nug nid menukkute?” ooppa aum.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.

2 Korint 12:10

Anam amunu haen da Kristusnu uɗat hekkulnu amu da ɠagattag iitta, haen da Kristusnu uɗat hettem, danab ag amunu da eheɗ heiɗtteb, haen da Kristusnu uɗat hettem, da amunu uug digdig da beɗulppa doottem, amu haen da Kristusnu uɗat hettem, danab ag amunu heeg, da eheɗ daattem ele amu, da haen amuppa oolppa enanagnab doottem. Ao, haen da ɠagattag iitta daattem amu, haen amuppaib aakku da ɠagattagnab daattem.

2 Korint 11:27

Da uɗat digdig huanak hemi. Haen kuɗum da tuqan uɗat heinne, niiak laa ii niimi. Da enug iwewe, le baal ele diiom. Haen kuɗum da ee elele iitta daami, amu ulah iwe, lamennu tutu daami.

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

Jon 11:35

Anam aeg amu Jesus gayom.

Esekiel 9:4

“Na ahan, Jerusalem ooppa oinna, danab ah aun aɗi ag kobol, da kobol amunu oolppa uuaknab doottem, ag kobol amu laa ag heegeg anadna, ag kobol amu oh haknu oolagppa guittak doon mahiak ele hetteb amu, na ag uɗalagppa at laa me!” awa aum.

Esekiel 7:16

Danab ah aun aɗi ag ii mauhkkulag amu, ag oolna, qaukoppa gona, appa ag oh anen anen ahilag hipuninnu dabmenana, uppuɗil beɗulag nakok ele oolnu noakppa daatteb, uppuɗil amu ag oo doyak ele gaatteb, danab ah ii mauhkkulag amu, ag amubia gaaglag.

Jeremaia 31:25

Aɗinu? Da heppi, danab ag beɗulag bodoedatte ele, ag ɠagattag aoglag. Da heppi, danab ag gai-iittanab daatteb ele, ag eɗun, ena daaglag.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Aisaia 66:10

Ag oh ag Juda danab ah dilagnu oo mauhak dootteb ele, ag ag ele oolag gamag huana ahaɗ! Ao, ag Juda danab ah dilagnu oo doyak doon, mahitteb amu, ag ahappeg, ag ele oo gamag ahak doyeg!

Aisaia 25:6

Sion qaukoppa, Yawe Nukka Ɠagattag Oh Ele, Nug geha ee lanak hobul okkai okkai, ee enanag digdig appa bappaidkku. Hobul amuppa amu, doɗ digdig teppulag ena ena, am wain digdig enanag lanak baag ubuhinab ele, amu ele daakku. Nug danab ah wan ohppanu ag uɗin, hobul amuppa qagmekkulagnu bappaidkku.

Sam 143:6

Da na guguittaknab daakkulnu ool ahak ele daattem. Ao, atu qaɗaiettakppanab danab laa le baag diie, nug le aokkunu oo okkai daatte, amubia da na guguitten daakkulnu ool okkai daatte. Sila.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Sam 65:4

Danab ah ag nahip daaglagnu na tituanadna, diin uɗie, ag nahip mettid lagnu haɗap-ppa, na guguittak daatteb amu, ag itittak ena aoppig daatteb. Na heppe, ig aun aɗi anam na laut, amuam nahip mettid lag nahipnu tituanak daatte amu, ig amu guguittak haɗap-ppa daattem, ig lag amuppanu itittak ena ena aognignu na oɗ medattem.

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Luk 6:20

Ag anam heeg amu Jesus Nug ameg huma, nuhikkud ippunittak awak danab amu neekkattatta, Nug aum. “Ag gemu enulag iitta, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Luk 6:22

Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.