Luk 6:15 - Nobonob Baibel

¹⁵ Matyu, Tomas ele, amu Jems laa nug Alpius bekka. Amu Saimon laa, nug am Selot.

Luk 6:15 Referans Kwoze

Matyu 9:9

Aria, Jesus Nug appanu aha oiyaya, takis awak danab laa onig Matyu, nug takis awak lakka dayeye anttom. Antta, Jesus Nug amegppa aum. “Na dona, da dim lamiɗe!” awa aum. Anam a amu, nug aha Jesus dim lamittom.

Aposel 1:13

Haen ag aab okkaippa tena amu ag gona, ag lag oo attan, ag daappig ele amuppa teppig. Ag onilag amu Pita, Jon, Jems, Andru, Pilip, Tomas, Bartolomyu, Matyu, Alpius bekka Jems, Saimon, nug am Selot, amu Jems bekka Judas aakku.

Mak 3:18

⌊Laa oh am⌋ Andru, Pilip, Bartolomyu, Matyu, Tomas, Alpius bekka Jems, Tadius, Saimon, nug am Selot,

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.

Aposel 15:13

Pol, Barnabas ele aa nai amu mattiya malaeh amu Jems nug aum. “O lailad, da nai imu appi ag doyeg!

Jon 20:24

Haen amuppa ippunittak awak danab laa Tomas, nuhignu ag Didimus ele atteb amu, nug ag ele ii daaegeg, Jesus Nug uɗiom

Jon 11:16

Amu Tomas, nuhignu ag Didimus ele atteb amu, nug ippunittak awak danab laa amelagppa aum. “Ig Nug ele mauhkkunignu, ahappeg, ig Nug ele gotu!” awa aum.

Luk 5:27

Aria, dimppa Jesus Nug aha oiyaya, Nug takis awak danab laa, onig Lewi, nug takis awaknu lakka dayeye anttom. Jesus Nug antta, amegppa aum. “Na dona, da dim lamiɗe!” awa aum.

Mak 2:14

Ippuanattowa amu Nug aha, wana oiyaya, Nug Alpius bekka Lewi, nug takis awak lakka dayeye anttom. Antta, Jesus Nug amegppa aum. “Na dona, da dim lamiɗe!” awa aum. Anam a amu, nug aha Jesus dim lamittom.

Luk 6:14

Laa am Saimon. Amu Jesus Nug onig laa, Pita ataɗom. Laa am Andru; nug Saimon ele, aa am eamag. Aria, Jems, Jon ele amu Pilip, Bartolomyu ele.

Luk 6:16

Laa am Judas, nug Jems bekka, amu Judas Iskariot ele, nug dimppa Jesus awa, kekeɗ eppelagppa meum.