Luk 6:12 - Nobonob Baibel

¹² Haen amuppa Jesus Nug tuqan Kayak unuqidkunu qaukoppa nakok teum. Ta, Nug tuqan amu oh unuqittette ukke, wagɗom.

Luk 6:12 Referans Kwoze

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Mak 6:46

Nug anam a amu, ag ahan ukkaegeg, Jesus Nug danab ah amelagppa, “Enad ukkeg,” awowa, Nug unuqidkkunu qaukoppa nakok ta dayom.

Mak 1:35

Aria, wagɗe buttuanab Jesus Nug lakkanu aha, aab uua, aben danab haen oh ii daattebppa ukka, unuqittatta dayom.

Kolosi 4:2

Amu ag oh ag Kolosi daatteb amu, ag unuqittak hekkulagnu oolag mettan, ag unuqidnana, ag hamu aib heppig. Iitta. Ag dabmak ele unuqidkkulag, amu ag anam henana, ag Kayak amegppa, “Ena hen mekkame,” ele aon aig!

Matyu 6:6

Amge haen na unuqidttem, na lag ooppa nona, od manona, na Mamen, Nug miag atiak ii daatte, na Nug unuqidppe, Nug keeke miag atiak iitta oh anidtte ele amu, Nug nob ena na medakku.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Sam 22:2

O dahil Kayak, deɗ oh amunppa da nahipnu ettem, amge na oɗelppa ii aottem. Yo, tuqan oh da unuqidttem, amge da oo mak laa ii anidttem.

1 Samuel 15:11

“Saul nug da dimeɗa, dahil nai tappe neum amunu, da hei, nug Israel dilag king daatte amu, da amunu oolppa uugnab doottem,” awa aum. Yawe Nug Samuel amegppa anam a doya, Samuel nug oo uug ele daya, nug tuqan amu oh Yawe unuqittom.

Aisaia 26:9

Tuqanppa, dabmak dahil oh nahip-ppa dayeye, da na ele daagnihnu ool huan daatte? Wagɗeb buttua amu, da ouɗil na ele oh daagnihnu oo huana hette. Aɗinu? Haen na nai doya mala hettoɗia epeɗia elele mettak kobol dim lamidna, wan danab ah oh toliadna gumadttem amu, haen amuppa wanppan danab ah ag genab tutukku hak kobolnu dabmak aotteb.

Matyu 5:1

Danab ah Jesus dim lamitteg, Nug danab ah kuɗumnab amu anatta, Nug qaukoppa nakok ta dayeye, nuhig ippunittak awak danab Nug gumidna uɗippig.

Mak 3:13

Deɗ laa Jesus Nug qaukoppa nakok ta, nuhikkud ippunittak awak danab diikkunu oo dayom ele amu, Nug ag onilagppa e, ag Nug gumidna goppig.

Luk 5:16

amge Nug haen kuɗum aben laih, danab ii daattebppa ukka, Nug unuqidttom.

Luk 6:11

Aria, danab ag Jesus meidna daappig ele, ag anam anidna, ag Jesusnu oppoɗilag be amelag kokoɗ eppe, akka akka mattinna appig. “Ig Jesus nuhigppa attem hekkunig?” aon appig.

Luk 6:17

Amu Jesus Nug nuhikkud totol danab ele ag oh nona gona, Nug wan uɗem enappa hibaitta dayom. Nuhikkud ippunittak awak danab kuɗumnab, amu danab ah kuɗumnab laa, ag Judanu, Jerusalemnu amu, aab okkai aɗit Tair Saidon ele, amu dilah wanppanu ele oh uɗieg daappig.

Luk 9:18

Deɗ laa Jesus Nug nukka dayaya unuqittatta dayeye, nuhikkud ippunittak awak danab ag gumidna ukkaeg, Nug oɗ matta aum. “Danab ag dahilnu, ‘Da am aun,’ ag amunu aɗi atteb?” awa aum?

Luk 9:28

Amu Jesus Nug nai amu mattie, dimppa deɗ eblaih ewam keeke anam uue amu Jesus Nug unuqidkkunu, Pita, Jon amu Jems ele omalatte, qaukoppa teppig.

Luk 9:29

Tena unuqittatta dayeye amu, Nug iɗu eɗuom. Nuhig lamen amu eɗua, hakkabnab dittiag apinak bia dayom.