Luk 5:8 - Nobonob Baibel

⁸ Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Luk 5:8 Referans Kwoze

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

Ikki Danab 13:22

Nug anam doya, wau amegppa aum. “I Kayak anidmuɗ amunu, geha mauhkkunih!” awa aum.

Eksodas 20:19

ag Moses amegppa appig. “Kayak Nug na amenppa aɗi nai ab amu, na nakka nai amu ig amenigppa madippe, ig doognig, amge ig mauhmatanu na appe, Kayak Nug ig amenigppa nai baula ii mattima,” aon appig.

Job 40:4

“Da keeke hamu. Da nob na medakkulnu elele iitta. Da oɗel qamut-ttem.

1 Samuel 6:20

Kobol amu beum amunu, Betsemesnu danab ag appig. “Aunnab nug Yawe noobppa daakkunu elele? Laa iitta! Nug am Kayak Oppiaawak Ele. Nug anam daatte amunu, nuhig Tituanak Nainu Kunup imu iguppa daakkunu am elele iitta, amge ig hepput, adebtai gokku?” aon appig.

Matyu 17:6

Awa a amu, ippunittak awak danab ag nai amu doona, ag eheɗ nau baɗan, nena qena, iɗulag wanppa lokkumidna niippig.

Jon 11:32

Maria nug ukka, Jesus aben amuppaib dayeye anttom. Antta, nug guguitta wana, Jesus baegppa gateg qaun o, gomela, nug amegppa aum. “Naɗi, na ippa daalom amu Lasarus ii mauhlo,” awa aum.

Matyu 8:8

Jesus Nug anam aum, amge ban daup 100 dilag ikki nug aum. “Naɗi, da am danab enate na uɗin, da laul ooppa nekkut? Anam amu, na maɗi nid dahil ena daakkunu naiib appe amu, nug eɗua ena daakku.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

2 Samuel 6:9

Amu Dawit nug Yawe anam he antta, Yawenu baɗa aum. “Da genab Yawenu Tituanak Nainu Kunup awe tein, dahil aabppa mekkulnu elele iitta,” awa aum.

1 Korint 13:12

Anamib gemu ig Kayak baegppa daatta, Nug attem daatte anidkkunignu amu ig nuhig kobol amu laih nakok nakokib, ig keeke lettod ena iittappa anidttem, amubia anidta doottem, oh ii doottem. Dimppa gogtak haenppa amu, ig Kayak attemnab daatte anidkkunig. Gemu da laihib doottem. Dimppa da Kayak Nug dooiɗtte, amubia da haen amuppa keeke oh antten dookkul.

Luk 5:7

Anam anidna, ag ahilkad uɗat laippu, uub laappa daappig amu, ag dona ehanadkkulagnu eppelagppaib onilagppa eppig. Eeg doeg, uub aɗit ohppa kakai amu inappig. Inaeg, uub aɗit amu oh tuadiglahnu hepiɗ.

Luk 5:9

Nug kakai huanak aoppig amu anttom amunu nug ottaia dabmak kuɗum awom. Danab laa nug ele oh daappig, ag ele anamib dooppig.