Luk 5:37 - Nobonob Baibel

³⁷ Anam ana amu Nug nai baula inam ele aum. “Laa ele amu, danab nug grep leppu bau doɗ gaɗa nippud alagppa ii inatte. Nug anam helo amu grep leppu nug eɗua wain baaba, titiɗa heebeb, doɗ gaɗa nippud alag nug ɠagattag eppom, okkai mekkunu elele iitta amunu, nug aoɗeb, wain amu doɗ gaɗa nippud ele oh iitta mekkulah.

Luk 5:37 Referans Kwoze

Sam 119:83

Genab, da am doɗ gaɗa wain inaknu aab kahppa daya nauhtte bia daattem, amge diig amunu da nahip ɗonu daul ii atitte.

Josua 9:13

Amu doɗ gaɗa nippud wain inaknu imu, ag am bau ena dayeye, wain inamut, amge gemu ag alag mena pattiɗadtteb. Ihinkad lamen, baenkad gaɗa ele amu ib imuag elabnab uɗiutut nauhadppig,” aon appig.

Josua 9:4

ag Josua, Israel danab ah ele buppualadppeg, Israel ban daup ag ii aqamnanu dabmeppig. Ag nai awa ukkak danab maatteg, Josua toppa goppig, amge Josua aɗi ag anadna, “Danab amu ag wan umanabnu, kalam ganettai oin oin uɗippig,” anam dooglagnu, ag donki qaɗeppa bek alag ma, nauhattak daappig. Amu doɗ gaɗa nippud wain inaknu alag me, danab ag bappaidppig ele, ag amu ele akkaeg teum.

Matyu 9:17

Laa ele danab nug grep leppu bau, doɗ gaɗa nippud alagppa ii inatte. Nug anam helo amu, grep leppu nug eɗua, wain baaba, titiɗa heebeb, doɗ gaɗa nippud alag nug ɠagattag eppom, okkai mekkunu elele iitta amunu nug aoɗeb, wain amu doɗ gaɗa nippud ele oh iitta mekkulah. Anam amunu, grep leppu bau am doɗ gaɗa nippud bauppa inaeg, aa oh elele daattep,” awa aum.

Luk 5:36

Amu Jesus Nug tuɗitta, keeke danab ag dootteb ii dootteb ele ouaqata ippuanatta, nai laa inam amelagppa aum. “Danab nug lamen qatti bau awa, lamen alagnu giɗo amuppa tona ii koit-tte. Iitta! Nug anam helo amu, dimppa nug lamen iheb, lamen qatti bau nug eɗua nakok eppa, lamen alag eeɗeb, giɗo okkai ele daakku. Ele amu lamen bau, lamen nau alag ele am nakok laippu iitta,” awa aum.

Luk 5:38

Ag anam ii hetteb. Danab nug grep leppu bau am doɗ gaɗa nippud bauppa inaglagnuib daatte. Ag anam hekkulag dayeb amu, grep leppu amu doɗ gaɗa nippud ele am ena daaglah,” awa aum.