Luk 5:33 - Nobonob Baibel

³³ Amu laala ag Jesus amegppa appig. “Layattak Jonnu ippunittak awak danab ag am deɗ kuɗum ee ohnu kud mena daanna, hanhan unuqidtteb. Amu ɗo gumak danab-Parasia dilag ippunittak awak danab ag ele anamib hetteb, amge ippunittak awak danab nahipad ag amu anam ii hetteb, ag hamu ee le ele latteb,” aon appig.

Luk 5:33 Referans Kwoze

Luk 20:47

Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.

Luk 18:12

Am da haen oh mettid laippu ooppa deɗ aɗit ee ohnu kud mein dayeye, amu da keeke aottem oh amu oppati, ameg eblaih tanig ele neeg, amu da na ameg laippu medattem,’ awa aum.

Aposel 9:11

A amu Naɗi Nug amegppa aum. “Na ahan, ib onig Tutukku, amuppa gona, Judas laugppa tena, na Tarsus danab laa anidkkut, nug onig Saul. Nug unuqidtte. Amu da hei, nug tuleglegppa, nug eɗua neegkkunu elele daakkunu amu nug danab onig Ananias nug ukka, nug eppeg qaɗeppa me anttom,” awa aum.

Jon 3:25

Anam heegeg, Jonnu ippunittak awak danab laala ag Juda danab laa ele, ag danab attem ha Juda dilag ɗoppa oppiak daakkunu aeg ona aeg doum.

Jon 1:35

Aria, wagkkaɗe deɗ amuppa Jon nug baula appa dayeye, nuhig ippunittak awak danab aɗit ele daappig.

Luk 11:1

Haen laa Jesus Nug aben laappa unuqittatta dayom. Unuqitta male, nuhig ippunittak awak danab laa amegppa aum. “Naɗi, Layattak Jon nug anukka nuhikkud ippunittak awak danab ippuanattom bia, na ig unuqidkkunignu ippunikke!” awa aum.

Mak 12:40

Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Sekaraia 7:6

Ge, haen ag ee, le ele lappig, ⌊haen amuppa ele ag genab dahilnu dabmena heppigte?⌋ Ag oo hak ahilag dabmen iite heppig?” Yawe Nug nai amu da meɗom.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Prowerb 28:9

Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Luk 2:37

Anam daayya, nug gamu mauhe, qab ma, hamu maɗ 84 dayaya, nug Kayaknu mettid lag ii uuttom. Nug ee ohnu kud ma dayaya, unuqittatta, tuqan amun ele Kayak noobppa dup noa binag maama dayom.

Luk 5:32

Amubia amu da heppi, genab tutukku hak danab ag oolag eɗukkunu ii uɗimi. Iitta. Da heppi, hipunin danab ag oolag eɗukkunu uɗimi,” awa aum.

Luk 5:34

Ag Jesus amegppa anam appig amu Jesus Nug aum. “Da am danab nug ah aotte bia. Aria, dahil ippunittak awak danab, ag am da lailad. Amu ig doottem, ewau matulak haen am oo gamag ahak ele amunu, danab nug ah aotte, nug daatte haenppa nug laikkud ag ee ohnu kud mena daaglagnu am iitta. Ag oolag gamag ahak ele amunu, ag ee ii uumna; ag lakkulag.