Luk 5:30 - Nobonob Baibel

³⁰ Laegeg amu ɗo gumak danab-Parasia amu ɗo mehuqak danab laala, ag ɗo gumak danab-Parasia huuppa daappig ele amu, ag ele Jesusnu ippunittak awak danab noolagppa nai hena, amelagppa appig. “Aɗinu ag takis awak danab, danab ag ihinig ɗo oh ii dim lamidtteb ele, ag ele oh daanna ee, le ele latteb?” aon appig.

Luk 5:30 Referans Kwoze

Aposel 23:9

Amunu qagmeppig ele amu muttub okkai qena, amu ɗo mehuqak danab laala, ag ɗo gumak danab-Parasia huuppanu, ag ahan ɠagattag mena appig. “Ig danab amu anidttem amu, nuhigppa eheɗ hak laa daye ii anidttem. Amu ouɗi laatai, iitta engel laatai ele nai madipiɗ,” aon appig.

Luk 19:7

Am Jesus Nug Sakius laugppa goya daaeheh, danab oh ag amu anidna, ag akka naittuɗ mattin Jesusnu appig. “Nug ukka, hipunin danab umu laugppa ɗo danab daakkunu teum,” aon appig.

Luk 5:21

Nug anam a amu ɗo mehuqak danab amu ɗo gumak danab-Parasia ele appa daana, ag akka akka dabmakppa inam appig. “Danab imu amu Nug am aun? Nug nai umu atte amu Nug Kayaknu dabittak nai maditte. Kayak Nug nukka hipunin uhuqa megakkunu elele,” aon appig.

Luk 5:17

Deɗ laa Jesus Nug danab ah nai ippuanattatta dayeye, ɗo gumak danab-Parasia amu ɗo mehuqak danab ele, ag Galilinu aab ohppanu, Judanu, amu Jerusalemnu ele uɗin daaegeg, Jesus Nug nai mehuqom. Naɗinu ɠagattag am Jesus Nug oɗe danab heeb ena daaglagnu ele nuhigppa dayom.

Mak 7:3

Ɗo gumak danab-Parasia amu Juda danab laala ele ag eppelag ii ihana, ag alalkad appig amubia, ag ee ii latteb.

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Luk 7:39

Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

Luk 7:34

Aria Danab Bekkalag da, da uɗien, ee le ele lattem amunu, ag atteb. ‘Antteg, nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb.

Matyu 5:46

Amunu ag danab ahilagnu oolag mauhtte ele, ag amu dilagib oolag mauheb, ag aɗi nob ena aoglag? Takis awak danab ag ele anam iite hetteb?

Matyu 9:11

Ag ee lanana daaegeg, ɗo gumak danab-Parasia ag anadna, ag Jesusnu ippunittak awak danab oɗ madappig. “Aɗinu ahilag ippunittak danab Nug takis awak danab, danab ag ihinig ɗo oh ii dim lamidtteb ele, Nug ag ele oh daanna ee latteb?” aon appig.

Mak 2:16

Aria, ag ee lanan daaegeg, ɗo mehuqak danab amu ɗo gumak danab-Parasia ele ag anadna, Jesusnu ippunittak awak danab oɗ madappig. “Aɗinu Jesus Nug takis awak danab, danab ag ihinig ɗo oh ii dim lamidtteb ele, Nug ag ele oh daanna ee latteb?” aon appig.

Mak 9:16

Anam aeg amu Jesus Nug ag oɗ mattom. “Ag keeke aɗinu ɗo mehuqak danab ele nai aeg ona aeg dotte?” awa aum.