Luk 5:22 - Nobonob Baibel

²² Aeg, Jesus Nug nuhig dabmakppa ahilag dabmak amu doya, Nug ag amelagppa aum. “Aɗinu ag dabmak anam ele?

Luk 5:22 Referans Kwoze

Luk 24:38

Ag anam appig amge Nug ag amelagppa aum. “Ag aɗinu ottaitteb? Aɗinu dabmak aɗit ahilag dabmakppa bette?

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Mak 8:17

Anam amu, Jesus Nug ag aɗi nai mattiegeg doya, Nug aum. “Ag aɗinu bret iittanu nai maditteb? Ag gemu ele elele iite anidtteb; diignu doyak tutukku ele iite dootteb? Ahilag dabmak am ituak daattete?

Matyu 12:25

Aeg amu Jesus Nug ahilag dabmak doya, Nug ag amelagppa aum. “Ɗo maɗoɗ laippuppan danab ag ahan oppatna, ameg aɗit bena nug qekkulag amu, wan amu nug elele iitta, ɠagattag ii daama. Amu ele, aab okkai laippuppan o baekkudppa laippuppanu ag oppatna, ameg aɗit bena, nug qekkulag amu, aab okkai o baekkudppa amu nug ena ii daama.

Matyu 9:4

Ag dabmak amu aoegeg, Jesus Nug nuhig dabmakppa amu doya, Nug ag amelagppa aum. “Ag aɗinu dabmak nau anam aotteb?

Aisaia 66:18

Amu Yawe atte. “Wan imuppan wan ohppan danab ah, amu nai digdigppan ele aɗi henan dabmetteb amu, da doottem. Da amu doottem amunu, da danab ah wan atu ohnu diie, qagmaadppi, ag uɗin, binag amahlak oppiaawak ele dahil anidkkulag. Da ag amu hekkulagnu uɗikkulnu hettem.

Sam 139:2

Da daattem, o hibaitte daattem, haen amuppa na doottem. Na da keeke laanu dab-ii-memi, butti haen adekku dabmekkul amu, na gemu dabmak dahil amu aakku doon malame.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Hibru 4:12

Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

Esekiel 38:10

Amu Naɗi Yawe Nug inam ele atte. “Haen amuppa Gog, na dabmak aon, na eheɗ hak laa hekkutnu maittak aokkut.

Prowerb 15:26

Yawe Nug nau hak danab dilag dabmaknu ooppa uuaknab dootte; amge Nug danab oo oppiak ele dilag dabmaknu ooppa ena dootte.

Matyu 12:15

Am Jesus Nug nai amu doyom amunu, Nug aha, aab amu uua ukkom. Ugekke, danab ah kuɗum ag Nug dim lamittegeg, Jesus Nug oɗe danab ah oh bappalatte, ena daappig.

Luk 5:21

Nug anam a amu ɗo mehuqak danab amu ɗo gumak danab-Parasia ele appa daana, ag akka akka dabmakppa inam appig. “Danab imu amu Nug am aun? Nug nai umu atte amu Nug Kayaknu dabittak nai maditte. Kayak Nug nukka hipunin uhuqa megakkunu elele,” aon appig.

Luk 5:23

Aɗi nai am anaknu uug iitta? Hipunin uhuqa mettaknu nai, amute am uug iitta o iitta aha tappa ukkaknu nai, amutai am uug iitta? ⌊Amu oh iitta. Danabib am aɗit oh hekkunu elele iitta⌋