Luk 5:13 - Nobonob Baibel

¹³ A amu Jesus Nug eppeg bahia, danab aɗa, amegppa aum. “Da ool anam daatte, na ena daye!” awa aum. Aria, geha aakku pahanab gaɗa oɗe nau amu uuittom.

Luk 5:13 Referans Kwoze

Hosea 14:4

Amu Yawe Nug ⌊danab anam unuqidkkulagnu dimppa inam akkunu⌋ atte. “Dahil oo nauhak am iitta ma, qeta awom. Qeta awom amunu, da heppi, ag baula da di-ii-meɗona, kayak hambuppuak laala ii dim lamidmana. Ao, da oo qak iittappa ahilagnu ool mauhkku,” awa atte.

Esekiel 36:29

Anam amu, da ehanadppi, ag baula kobol dubuttid ele, ag kobol amu baula ii hemana. Da heppi, ahilag ee am meu huan okku. Ag anam daaglag amu, da enug haen ahilagppa bekkunu ii apa.

2 King 5:14

Ag anam aeg, aakku Naman nug Jodan leppa ukka, nug noa, Jodan le haen eblaih aɗit ele layom; nug Elisa, Kayaknu danab, nug aum bia heum. Naman nug Jodan le laye amu, aria nug beɗuppa gaɗa oɗe nau ele, oɗe amu iitta me, nug beɗu gaɗa am bau, ena, nid nakok gaɗalag bia ena beum.

Luk 4:39

Oɗ mettaeg amu, Jesus Nug noa, gumitta hibaitta dayaya he, beɗu gakkaɗak uuitte, nug paha aha digma, ehanittak keeke babaitta ehanattom.

2 King 5:10

Tena daaegeg, Elisa nug nai awa ukkak danab laa nug ukka, Naman amegppa inam akkunu a, ukka aum. “Na gona, Jodan leppa haen eblaih aɗit ele le laappe, geha nahip oɗe amu iitta meeb, na beɗun eɗua ena daakku,” awa aum.

Genesis 1:9

Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum.

Genesis 1:3

Boppala dayeye, Kayak Nug, “Amahlak baɗ!” awa aum. A amu, amahlak aakku beum.

Matyu 8:3

Nug anam a, Jesus Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum. Anam a amu, pahanab gaɗa oɗe nau amu iitta me, danab nug ena dayom.

Luk 5:12

Jesus Nug aab laappa oiyeye, danab laa gaɗa oɗe nau ambak ele, nug ele appa oiyom. Nug oiyaya, haen nug Jesus antta amu, nug Jesus noobppa laippun gateg qaun o, gomela, iɗu wanppa ma, unuqa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.

Luk 5:14

Uuitte amu Jesus Nug danab amu amegppa aum. “Na danab laa amegppa da na bappaidminu aib ame! Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu iitta,” awa aum.