Luk 4:35 - Nobonob Baibel

³⁵ Nug anam aum, amge Jesus Nug ouɗi nau amegppa baag ɠagattagppa aum. “Na oɗen qamutna, danab amu uuidna ukke!” awa aum. Jesus Nug anam a amu ouɗi nau nug ag oolagppanu he, danab amu wanppa na qe, nug uuitta ugakka, danab amu nug beɗuppa eheɗ laa ii heum.

Luk 4:35 Referans Kwoze

Luk 4:41

Ele amu Jesus Nug he, ouɗi nau ag danab ah uuadna, “Na amu Kayak Bekka,” ana enan goppig. Amge ag Nug dooppig, Nug am Kristus amunu, Nug ag baula mattimnanu ag amelagppa, “Aib!” a, ag oɗelag qamutppig.

Luk 4:39

Oɗ mettaeg amu, Jesus Nug noa, gumitta hibaitta dayaya he, beɗu gakkaɗak uuitte, nug paha aha digma, ehanittak keeke babaitta ehanattom.

Matyu 8:26

Ag anam aeg amu, Jesus Nug aum. “Ag aɗinu anam baɗatteb? Ag oolagppa genab nakokib dootteb.” Nug anam awowa, Nug aha, ulah le ele dilahnu, aa anam hemayanu amelahppa a, ulah nug iitta me, le ele toetta, manin niiom.

Revelesen 12:12

Amunu hab, amu hab aab ele, amu ag laa aguppa daatteb ele, ag maɗoɗppan gamag ahak doyeg! Amge wan amu yu ele ahilahnu gadonnab gadon! Aɗinu? Mat naɗinab onig Satan, nug aakku ahilagppa noum. Nug oppoɗi bak huana ele. Aɗinu? Nug dootte, nuhig haen am tutu,” awa aum.

Luk 11:22

Amge haen danab ɠagattagnab laa, nug lag mameg eɗittak, nug uɗie, aa nug qeya, aria laa uɗiom ele nug lag mamegnu ban haknu keeke nug ehanidkkunu ooppa genab doyom ele, nug amu aɗitta awa, nug keeke oh awa pania, danab laa madakku.

Luk 9:42

Nug anam a amu nug nid amu awa, Jesus toppa doodo, ouɗi nau am nid buɗie, na qa, wanppa hahaɗom. Nug anam heum, amge Jesus Nug ouɗi nau nid amu uua gokkunu haknunab ana he, nid ena daye, awa eɗua, mameg mettom.

Luk 9:39

amu ouɗi nau laa nug haen kuɗumnab aɗeɗe, eheɗ eewo, ouɗi nau nug he, huana hahaɗeɗe, hipaɗu neene, ouɗi nau nug haen ohbia anam heehe, nid beɗu nauha auta aotte.

Luk 8:24

nuhikkud ippunittak awak danab ag wana, Jesus maɗettan appig. “Naɗi, Naɗi, ig mauhkkunignu hettem!” aon appig. Aon aeg am Jesus Nug aha, ulah, le koɗkoɗ qeum ele amu, Nug aa amelahppa aa anam hemayanu a, ulah nug iitta me, le ele toetta, manin dayom; baula ii uɗalom.

Mak 9:26

Jesus Nug anam a amu ouɗi nau nug ewowa, nug nid huan uɗala, uuitta ukkom. Ugekke amu nid nug mauhak bia niieye, danab laala kuɗum ag, “Nug mauhom,” appig.

Mak 1:26

Jesus Nug anam a amu, ouɗi nau nug he, danab beɗu huan hahaɗeɗe, ouɗi nau nug baag okkaippa ewawa, danab amu uuittom.

Matyu 17:18

Nug anam a, ag omalna doeg, Jesus Nug ouɗi nau nid amu uuitta gokkunu haknunab a, nug nid uuitte, amu geha aakku nid beɗuppa oɗe amu iitta meum.

Sekaraia 3:2

Nug anam he, Yawe ⌊nuhig engel⌋ nug Satan amegppa aum. “Satan, ⌊na eheɗ hettem.⌋ Yawe Nug na daut bataɗ! Ao, Yawe, Nug Jerusalem tituanom amu, Nug na daut bataɗ! Danab imu, Josua, nug am ad maha laa aab aɗuppa dayeye, ii eomanu danab laa nug paha eppeg bahia aotte, nug amubia daatte.

Sam 50:16

Amge Kayak Nug nau hak danab dilag atte. “Ag dahil ɗo oɗelagppa maditteb, amge aɗinu? Ao, ag nug tituana nai qakkak ig hemut ele amu oɗelagppa maditteb amge aɗinu?

Mak 4:39

Ag anam aeg amu Jesus Nug aha, ulah amegppa nug anam hemanu ana, le amegppa, “Na uuna, toettan daye!” awa aum. Nug anam a, ulah nug iitta me, le ele toetta, manin niiom.

Luk 4:23

Aon aeg, aria Nug ag amelagppa aum. “Genabnab genab ag oiyak ehanittaknu nai tutu dahilnu inam akkulag, ‘Dokta, na nakka na beɗun babaitte! Kobol na Kaperneam aabppa he, ig nai doomut ele amu, amubia ippa, imuam na appan diig, ippa ele he!’ aon akkulag.”