Luk 4:32 - Nobonob Baibel

³² Nug nai danab nug anam hekkunu ehah ele, Nug amubia nai ippuanattom anidna, ag dabmak kuɗum aoppig.

Luk 4:32 Referans Kwoze

Luk 4:36

Anam amu, danab oh ag dabmak kuɗum aona, akka akka Jesusnu appig. “Nai amuam ippunittak baute? Danab amu Nug ehah ena, ɠagattag ena ele amunu, Nug ouɗi nau amelagppa, ‘Ag ukkeg!’ atte amu, ag uuadna gotteb,” aon appig.

Jon 6:63

Ag doyeg! Kayak Ouɗi nukka, Nug danab bauklel medatte; danabnu ɠagattag am elele iitta. Am nai da ag mattami imuam Ouɗi, am bauklel ele.

Taitus 2:15

Na nai amu haen oh danab ah ippunadkkut. Na hekkutnu ehah aome daattemppa, na danab ah oolag ɠagattag qettan, ag daulag ele batakkut. Nahip hakppanu, nahip oiyakppanu ele laa nug nahipnu ena iinab doomanu, na enaib oiye!

1 Tesalonaika 1:5

Aɗinu? Nai Ena ig ahilagppa aot gomut ele, ig nai aakkuib aot ii gomut. Iitta. Ig Kayaknu ɠagattagppa uɗat heut, Kayak Ouɗi ele Nug he, ag oolagppa genab doona, Kayak ag eɗua diiom ele genab dooppig. Ig ele ag ehanadkkunignu ag oolagppa attem bia oiutut, ag anigna dooppig.

2 Korint 4:2

Iitta. Ig kobol uɗa nak ele, laa lokkumakppa hetteb amu, ig kobol amu dimettota, hambuppuak kobolppa ele ig ii oittem. Am ig Kayak nainu ele amu ig baolita ii hettem. Iitta. Ig Nai Ena tutukku miag mehuqttem, amu amuppa ig danab oh ig am aun ippuanadttem. Ig amu heut, ag ig Kayaknu neekkakppa attem daattem oolagppa dooglagnu elele.

Mak 1:22

Ippuanatte, Juda danab ag dabmak kuɗum aoppig. Aɗinu? Nug ɗo mehuqak danab nai ippunadppig bia ag ii ippuanattom. Iitta. Nug danab nug anam hekkunu ehah ele, Nug amubia nai ippuanattom.

Luk 2:47

Amu danab oh ag nuhig nai dooppig ele, ag nuhig diignu doyak tutukku, nuhig oɗmaknu nob elenu dabmak kuɗum aoppig.

Luk 4:33

Aria, Juda dilag nai doyak lakka appa danab laa dayaya, nug beɗuppa ouɗi nau ele, amu danab amu nug Jesus antta, nug baag okkaippa ewa aum.

Jon 7:46

Anam aeg am daup amu ag appig. “Danab laa nug danab imu nai maditte bia laa mattie ii anidmut,” aon appig.