Luk 24:50 - Nobonob Baibel

⁵⁰ Nug anam awowa, Nug aha, diie gona, Betani guguittak appa Nug eppeg huma itattom.

Luk 24:50 Referans Kwoze

Aposel 1:12

Aria, ag qauko nakok laa, Olipnu Qauko atteb, ag appanu eɗun Jerusalem wappig. Qauko amuppanu Jerusalem wanak amu miag, 1 kilomita bia. Juda dilag ɗoppa danab nug ahilag Sabat deɗppa tappa ukkak elab amubia gokkunu elele.

Matyu 21:17

Nug anam ana, Nug aha uuatta, aab okkaippanu dimittim ukkom. Nug ukka, tuqan amuppa Betani appa dayom.

Genesis 49:28

Amuam Israel dilag huu okkai 12, amu ag mamelag itittak ena mattom, am anam. Ag itittak ena piɗe piɗe, anen anen, ag diilag bia elele aoppig.

Mak 11:1

Aria ag gona, Jerusalem gukkuidna, aab aɗit Betani, Betpasi ele, aa Olipnu Qaukoppa daapiɗ, ag aab amuppa tekkulagnu tenana, appa Jesus Nug ippunittak awak danab aɗit laa maate gokkulahnu a daaeheh,

Mak 10:16

Nug anam ana, nug nid naunau oɗakkiatta, eppeg qaɗelagppa ma, itittak ena mattom.

Genesis 48:9

Nug anam oɗ mette amu, Josep nug aum. “Nid aɗit imuam, da bekkalaɗ. Da ippa Isip wanppa daaiyi, Kayak da meɗom,” awa aum. Anam a amu, Israel nug aum. “Na omalatppe, da gumiɗya dopeɗ, da aa itittak ena matakkul,” awa aum.

Genesis 27:4

aon uɗin badikkut. Na da lakkulnu ool huana hette ele haen oh battie lattem, amubia battin, aon doppe lakkul. Da ee amu lawoya, da na itidppi, aria dahil mauhak haen dob amu, da mauhkkul,” awa aum.

Lewitikas 9:22

Amu dimppa Aron nug danab ah dilagppa eppeg huma itattom. Aria, ib etta hipunin haknu ofa, manaknu ofa, amu laippu dayaknu ofa ele hak dimppa, nug qaɗabppanu honap neum.

Josua 22:6

Josua nug nai amu mattia malowa, nug Israel dilag huu okkai Ruben, Gad, amu Israel dilag huu okkai Manase mahaib ele itattowa, nug maatte, ag appalagppa goppig.

Luk 24:51

Nug itattette, Kayak awe, Nug uuatta, hab aabppa ukkom.

Aposel 1:9

Am Nug nai amu amelagppa ana male, ag neegna daaegeg, Kayak he, Nug attan teum. Teete, lombig laa haute, ag baula Nug ii anidppig.

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.