Luk 24:39 - Nobonob Baibel

³⁹ Ag da eppel bael ele iikkud antteg! Daib iikku daattem. Ag eppelag bahina aɗailna doyeg! Dottog nug beɗu, ebehi ele iitta, ag da aniɗtteb bia,” awa aum.

Luk 24:39 Referans Kwoze

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.

1 Jon 1:1

Kristus, onig laa Nai, Nug am bauklel diig amu, Nug digmakppa dayom. Nug ⌊anam daye ukke, wanppa uɗia, Nug⌋ nai mattieye ig daunigppa dootta, ig amenigppa ele Nug anidmut. Ig Nug anidta, eppenigppa ele aɗamut. Nug amu, ig nuhignu iikku madittem.

Jon 20:20

Nug anam awowa amu, Nug eppeg, qetti ele ippuanattom. Nug ippuanatte, ag Naɗi anidna amu, ag maɗoɗppan gamag ahak okkai dooppig.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Hibru 12:9

Amu ag imu ele antteg! Ig oh mamenkad wan imuppanu amu, ag ig ena bekkunignu toligna, bu iqaeg, ig ag hepppignu ahilagnu ena elele doomut. Anam amunu, ig Mamenig hab aabppa daatte ele amu, ig Nug waappanab daatu! Ig anam daatta, bauklel aognig.

Jon 20:25

amunu, ippunittak awak danab laikkud laa ag Naɗi anidppignu amegppa aeg, nug aum. “Ag Nug eppeg tutuippa atulppignu duɗupa da amelppa anttena, da duɗupa amu eppelppa aɗen, Nug qetti duɗupa ele eppelppa aɗe doyena amu, da oolppa genab dookkul,” awa aum.

Aposel 1:3

Aria, Nug guittak nau amu awa mauhowa, dimppa Nug genab eɗua hibaittom Nug nuhikkud totol danab 11 ippuanadkkunu, eɗuak hibaittak dimppa Nug nuhikkud totol danab 11 haen gamag deɗ 40 amuppa gumatta ona, ib kuɗumppa keeke amu ippuanattom. Nug deɗ 40 amuppa Kayaknu ɗo maɗoɗnu nai ele mehuqe dooppig.

Luk 23:46

Anam he, Jesus Nug baag okkaippa ewa aum. “Mame, da ouɗil na eppenppa mettem,” awa aum. Nug anam awowa, Nug mauhom.

Luk 24:38

Ag anam appig amge Nug ag amelagppa aum. “Ag aɗinu ottaitteb? Aɗinu dabmak aɗit ahilag dabmakppa bette?

Luk 24:40

Nug anam awowa amu, Nug eppeg baeg ele ippuanattom.