Luk 24:21 - Nobonob Baibel

²¹ Amge ig nuhignu amu, ig genab Nug am Israel dilag qagaiettakppanu eɗua uhuqaknu ehanittak daakkunu dabmak aɗat daamut. Amu oh tuɗittak amu, ag anam heeg uɗie, gemu am deɗ ewam iikku.

Luk 24:21 Referans Kwoze

Luk 1:68

“Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Luk 2:38

Haen amuppaib nug ele uɗia, Kayak amegppa, “Ena heme,” aum. Anana, nug nid amunu nai mehuqa, danab oh ag qagaiettakppanu eɗua uhuqak, ag ehanittak amu Jerusalem appa uɗikkunu ameg meppig ele, nug ag Jesusnu amelagppa aum.

Aisaia 59:20

Yawe atte. “Amu laa, Nug danab ah qagaiettakppanu eɗua uhuqaknu ehanittak hette ele amu, nug Sion uɗikku. Ao, laa uɗikku ele, Nug Jakop buɗub oolagppanu aun aɗi ag oolag eɗueb, hipunin ahilag dimettaglag amu, Nug ag ehanadkkunu uɗikku.” Yawe Nug anam awa atte.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Aposel 1:6

Anam amunu, haen laa ag oh qagmena, ag Nug oɗ medappig. “Naɗi, haen imuppanab na heppe, Rom ag ahappeg, ig Israel ig eɗut wan ihinig gumagnigte?” aon appig.

Sam 130:8

Yawe Nug nukka, Nug Israel danab ah, ahilkad hipuninnu qagaiettakppanu eɗua uhuqak ha madakku.

Aposel 7:28

Na tumai Isip ted makkuɗe mauhom bia da oiɗppe mauhkkulnu hettemte?’ awa aum.