Luk 24:19 - Nobonob Baibel

¹⁹ Nug anam awa a amu, Jesus Nug aa oɗ matom. “Aɗi keeke?” Awa a amu, aria aa Nug amegppa kobol oh Jesusnu heppig, aa amunu mattiya, inam apiɗ. “Jesus, Nasaret ted, Nug amu Kayaknu propet, Nug Kayak nai diig genab ɠagattag ele Kayak noobppa, danab ah amelagppa ele mattia mehuqa, Nug uɗat ɠagattag ele Kayak noobppa, danab ah amelagppa haaha oiyom.

Luk 24:19 Referans Kwoze

Matyu 21:11

Ag anam oɗ meeg amu, danab ah kuɗumnab ag Jesus omalppig ele ag appig. “Nug amu Jesus, Nug am propet, Galilinu aab Nasaret danab,” aon appig.

Aposel 7:22

Anam he, Moses nug okkai ma amu, Isip dilag doyak oh doya malowa, nug danab, nuhig nai mattiak amu nuhig uɗat ele am ɠagattag, anam dayom.

Aposel 2:22

Amu Israel danab ag nai imu doyeg! Da ag amelagppa Jesus, Nasaret ted, nuhignu appi dooglag. Ag akka aakku dootteb, Kayak Nug ehanitte, Nug ag oolagppa kobol danab haknu elele iitta, uɗat ɠagattagnab, Kayak dabmettaknu kobol danab haknu elele iitta digdig heum. Kayak he, Jesus anam heum, amuam Kayak Nug Jesus me neum ippunadtte.

Jon 6:14

Danab ag Jesus Kayak dabmettaknu kobol danab haknu elele iitta he anidppig ele amu ag appig. “Genab ig propet laa nug wan imuppa uɗikkunu nai doomut ele am iikku!” aon appig.

Jon 4:19

Jesus Nug anam a, aria ah nug Jesus amegppa aum. “Danab Naɗi, da aakku na dooidmi, na am propet amunu,

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Jon 7:52

Nug anam a amu, ag nuhig nai inam nob meppig. “Na ele am Galili ted amunu na doyak iittatai? Na nai atognona ebqena am tutukku anidna dookkut. Propet laippu laa nug Galili appanu iinab bema,” aon appig.

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Duteronomi 18:15

Yawe, ahilag Kayak, Nug ag ehanadkkunu geha ahilagppanu propet danab laa da bia nug epeɗikku amunu, ag propet amu nug aɗi nai ag amelagppa mattieb amu, ag nug oɗe doyeg!

Luk 24:18

Aa anam daayya, danab onig Kliopas nug aha amegppa aum. “Amu danab aab laih laihnu oh ag gemu Jerusalem daatteb amu, ag oolagppa na nakka aakkuibtai keeke oh haen imuppa Jerusalem beum am iite doottem?” awa aum.