Luk 23:56 - Nobonob Baibel

⁵⁶ Ag anttona amu, ag eɗun lakka gona, ag spais, leppu muttuɗig enanag ele Jesus beɗu laaittaknu amu babaittona, ag Sabat amu, ɗo atte bia, ag hik aoppig.

Luk 23:56 Referans Kwoze

Luk 24:1

Aria Sabat ukka male, mettidnu deɗ digmakppa buttuanab ah ag ahan moɗppa goppig. Ag goɗen muttuɗig ena ele babaitteg dayom, amu ele akkan goppig.

Mak 16:1

Aria, Sabat deɗ male, Maria, Makdala ted, Jems anig Maria amu Salome ele ag spais muttuɗig ena ele Jesus gaɗa bappaidkkulagnu daden meppig.

Duteronomi 5:14

amge deɗ ebqak eblaih aɗit ele, amuam Sabat deɗ; deɗ amunu amu, da Yawe, ahilag Kayak, da ag hik aoglagnu deɗ amu mattami. Deɗ amuam Sabat; na deɗ amuppa uɗat aib heme. Ge, na, nahipad nid, nahipad maɗi nid maɗi ah ele, makau okkai ebehi ele nahipad, donki nahipad, nahipad doɗ laa, wan laihnu danab nug uɗia, ag oolagppa daatte, amu nahip maɗi nid maɗi ah ele ag na hik aon daattem bia, ag ele anamib daaglagnu, ag oh deɗ amuppa uɗat ii hemana.

Eksodas 31:14

Sabat deɗ am deɗ dahilnu tituanak daatte amunu, ag amu dabmenan, deɗ amunu ɗo da ag mattami, ag amu dim lamitteg! Danab aun laa nug heeb, deɗ amuam dahil neekkakppa dubuttid tak daakku dayeb, ag nug qeppeg mauhaɗ! Amu danab aun nug deɗ amuppa uɗat hekku amu, nug Israel oolagppanu geɗittak daakkuoitte!

2 Stori 16:14

Amu Asa nug ii mauhom haenppa nug he, danab ag nuhig boumak aben menppa hoippig. Men moɗ amuam Dawitnu Aab, aab amuppa dayom. Amu Asa nug mauhe, ag nug aguppa boumna, ag spais, keeke muttuɗig enanag laala ele kuɗumnab amuppa meeg dayeye, ag aab naɗi nug binag mekkulagnu ilappig.