Luk 23:5 - Nobonob Baibel

⁵ Nug anam aum amge ag tuɗidna ɠagattag appig. “Nug Juda laih ohppa danab ah amelagppa biig yaak nai mattie, ag ahilag dabmak manin ii daatte. Nug kobol amu Galilinu digme uɗia, ippa ele he beum,” aon appig.

Luk 23:5 Referans Kwoze

Jon 2:11

Aria, Jesus Nug amu heum amu, amuppa Nug Kayak dabmettaknu kobol danab haknu elele iitta, kobol amu hekkunu digma heum. Nug Galilinu aab Kana appa anam ha, amuppa Nug Nug binag amahlak oppiaawak ele he miag atie, nuhikkud ippunittak awak danab ag nuhignu oolagppa genab dooppig.

Jon 1:43

Wagɗe deɗ amuppa Jesus Nug Galili gokkunu dabmaama, Nug Pilip, nug am Betsaida ted, nug Andru, Pita ele, ag oh appalag laippu amu, Jesus Nug nug mattia antta amu nug amegppa aum. “Na da dim lamiɗe!” awa aum.

Mak 1:14

Aria, haen amu male, Herot Antipas nug Layattak Jon maniguittakppa me dayeye, Jesus Nug aha, Galili ukka, Nug Kayaknu Nai Ena mehuqom.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Aposel 23:10

Naippan nug qak amuam okkainab be, huana heeg, ban daup dilag ikki anuqak nug antta, “Ag Pol aɗan eeɗna, gamagppa paguppeg mauhkkutai,” anana, oo baɗe, nug daup amelagppa, “Ag nona, wagai mena, Pol gamagppanu aon, omalna gona, ag laulag ooppa noig!” awa aum.

Aposel 10:37

Ag keeke laa tumaiib Galili appa digme ukke, Juda wan ohppa beum amu, ag dootteb. Amuam Layattak Jon nug layattaknu nai mehuqe,

Aposel 7:57

Nug anam a, ag doona, ag huanaknab enana, daulag itun, ag oh ahan qaiqaɗ wana, Stiven aɗappig.

Aposel 7:54

Am Stiven nug nai amu aum amu, ag oolag ye, guatte oolag nauhe, oppoɗilag huan be, amelag kokoɗ eppe, Stivennu aelkad emalna daappig.

Aposel 5:33

Ag nai amu aeg doonna, ag oppoɗilag be amelag kokoɗ eppe, totol danab 12 aqappeg mauhkkulagnu appig.

Jon 19:15

Anam a amu Juda ag eppig. “Heppe nug mauhaɗ! Heppe nug mauhaɗ! Ad emaitakppa atule!” aon eppig. Anam eeg am Pailat oɗ mattom. “Ahilag King amu da ad emaitakppa atulkkulnu oolag daattete?” awa aum. Pailat nug anam a amu, mana mettak danab okkai ag inam appig. “Ig king laa iitta; Sisar aakkuib!” aon appig.

Jon 7:52

Nug anam a amu, ag nuhig nai inam nob meppig. “Na ele am Galili ted amunu na doyak iittatai? Na nai atognona ebqena am tutukku anidna dookkut. Propet laippu laa nug Galili appanu iinab bema,” aon appig.

Jon 7:41

Laala ag appig. “Nug am Kristus,” amge laala ag appig. “Kristus Nug Galili appanu ii bema.

Luk 23:23

Pailat nug anam aum, amge Juda ag wagainab mena, huanak ɠagattagnab enana, Pailat nug Jesus ad emaitakppa atulkkunu eppig. Ahilag ewak am Pailat nai aum, am amu eɗittom

Luk 11:53

Amu Jesus Nug lag amu uua noa dimittim no, am ɗo gumak danab-Parasia amu ɗo mehuqak danab ele ag gakkaɗak bia doonna, ag oɗmak kuɗumppa Jesus uug medappig.

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Sam 69:4

Danab ah kuɗum, ahilag ebqak amu da ikkil uɗug ikkilppanu eɗittak daatteb, ag oolagppa dahilnu diig iittappa nau ninig ele dootteb. Genab, da eheɗ heminu ag atteb ele amu, da ii hemi, amge kekeɗ dahilad ag hambuppuna, da eheɗ heminu atteb. Ag ɠagattag daana, da iuppeg mauhkkulnu hetteb. Da ahilag keeke laa yab ii aomi, amge ag da yab aomi anana, duttuniɗna, da keeke amu yab aolom bia nob mekkulnu hetteb.

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Sam 22:16

Kekeɗ dahil ag qai ameg laa bia, ag da taliliɗppig daatteb. Yo, nau hak danab ameg laa, ag da taliliɗna daatteb. Laion danab beɗu emale nauhtte, amubia ag da eppel, bael ele heeg nauhppig.

Matyu 2:1

Maria nug Juda wanppa, Betlehem appa, Herot okkai king dayeye, Jesus menue, hoɗoppai magau danab ag aam bedeppanu ahan uɗin, Jerusalem bena oɗ meppig;

Matyu 11:1

Jesus Nug anam nuhikkud ippunittak awak danab nai anam ippunatta malowa, Nug aben amu uua aha, Galilinu aab laalappa danab ah doyak aoglagnu ippuanattatta, nai ele mehuqom.

Luk 23:6

Ag anam aon aeg, Pailat doya amu nug ag oɗ mattom. “Danab imu Nug am Galili danabte?” awa aum.