Luk 23:42 - Nobonob Baibel

⁴² Nug anam ana, nug Jesus amegppa aum. “Jesus, haen na nahip ɗo maɗoɗppa daanna amu, na dahilnu dabmekkutnu ool daatte,” awa aum.

Luk 23:42 Referans Kwoze

Aposel 16:31

Anam a amu aa apiɗ. “Na Naɗi Jesusnu ootppa genab dookkutoitte. Haen na anam hekkut amu, Kayak Nug na eɗua awidkku; na amu na baenadppa ele oh eɗua diiadkku,” aoya apiɗ.

Luk 12:8

Am da ag amelagppa attem. Danab laa nug dahilnu daatte danab ah amelagppa akku dayeb amu, geha Danab Bekkalag da, da ele danab amunu, ‘Nug dahilnu daatte,’ Kayaknu engel amelagppa akkul.

Luk 18:13

Nug anam aum, amge takis awak danab nug piɗe dayaya, dup noa, hab attan ii neekkom. Iitta. Nug eheɗnab doyom amunu, nug eppegppa momo qeutata, nug aum. ‘Kayak, da am hipunin danab amunu, na dahilnu oot gai-iitta doon oot meɗan ehaniɗkkutnu oɗ medattem,’ awa aum.”

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

Aposel 20:21

Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

Luk 24:26

Nug anam anana, Nug aa amelahppa nai tuɗitta aum. “Propet ag Kristus Nug ⌊hipunin uhuqkkunu,⌋ Nug guittak aokkununab daya awowa, anuqak abenppa daakkunu, ag Kayak oɗe aon, amunu iite yaappig?” awa aum.

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Luk 23:41

I nitaeg mauhttep imunu am ag eheɗ laa ii hetteb; ag kobol elele hetteb. I nob imu aognihnu am nai iitta. Aɗinu? Ihinih eheɗ hemuɗ nob iikku aottep, amge danab imu Nug eheɗ laa ii heum,” awa aum.

Luk 23:43

Nug anam a amu Jesus Nug amegppa aum. “Da genabnab na amenppa attem. Gemu na da ele i oh Paradisppa daagnih,” awa aum.