Luk 23:40 - Nobonob Baibel

⁴⁰ Am laa nug anam aum, amge laa nug laa aum amu doya, daug bata, amegppa aum. “Na anam aib ame! Na Kayak iite baɗidna, danab umu mauhkkunu daatte bia mauhkkutnu daanna kobol nau nahip amu tuɗidna hekkutnu hettem?

Luk 23:40 Referans Kwoze

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Sam 36:1

Nau hak danab ah hipunin henan daatteb dilagnu nai meunab ele laa da oolppa daatte. Amu dilag ag Kayaknu ebehilag oh bodoetta le mak ii dootteb ⌊amunu ag aɗi hekkulagnu oolag daatte amu, ag hetteb⌋.

2 Stori 28:22

Uug digdig amu be, King Ahas nug doyom, amge uug amu beebe, nug eɗua, Yawe dim ii lamittom. Iitta. Nug tuɗitta, Yawe ippunittomnu oo metta ii uuak kobol dim lamidkkunu uua auta autanab awa oiyom.

Lewitikas 19:17

Na layapnu nau ninig ele aib doome. Amge na layap laa nug hipunin heebeb, na Kayak noobppa na nug ele beɗulttippa aab ele daamyanu, na genab layap daug bate!

Revelesen 16:11

Ag guittak doona, ag Kayak, hab aabppa daatte amu, ag nuhignu dabittak nai appig. Aɗinu? Ag ihilag eheɗ guattom, amge ag ahilag hak nau, amunu oolag laa ii eɗuom. Iitta.

Matyu 8:26

Ag anam aeg amu, Jesus Nug aum. “Ag aɗinu anam baɗatteb? Ag oolagppa genab nakokib dootteb.” Nug anam awowa, Nug aha, ulah le ele dilahnu, aa anam hemayanu amelahppa a, ulah nug iitta me, le ele toetta, manin niiom.

Luk 23:39

Danab nau aɗit atulatppig amu, laa nug ele Jesus awa awa qetta aum. “Na am Kristusde! Na nagakka beɗun uhuqna, i ele uhuqite!” awa aum.

Luk 23:41

I nitaeg mauhttep imunu am ag eheɗ laa ii hetteb; ag kobol elele hetteb. I nob imu aognihnu am nai iitta. Aɗinu? Ihinih eheɗ hemuɗ nob iikku aottep, amge danab imu Nug eheɗ laa ii heum,” awa aum.

Matyu 20:9

Dad mameg nug anam a amu, uɗat nid ag aam ameg tanig eleppa uɗat digmeppig ele, ag uɗin, anen anen silwa men doɗo tanig ele aoppig.