Luk 23:38 - Nobonob Baibel

³⁸ Amu nuhignu nai laa inam aon yaana, ad emaitak igippa atulppig. “Danab imu nug amu Juda dilag king.”

Luk 23:38 Referans Kwoze

Mak 15:26

Rom danab ag danab ad emaitakppa atuladttappig ele amu, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu ad mahappa yaan atulppig. “Imu am Juda dilag king.”

Matyu 27:37

Amu haen Rom danab ag danab ad emaitakppa atuladttappig ele, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu yaan atulppig. “Imu Jesus, Nug Juda dilag king.”

Luk 23:3

Ag anam aeg amu Pailat nug Jesus oɗ mettom. “Na Juda dilag kingte?” A amu Jesus aum, “Na aakku attem,” awa aum.

Mak 15:32

Nug am Kristus, Israel dilag kingde! Nug ad emaitak uua, honap neeb, ig anitta, ig nuhignu oonigppa genab doognig,” aon appig. Ag anam aegeg amu danab aɗit ag aa Jesus ele atuladppig amu, aa ele Jesus amegppa awa awa qettak nai madipiɗ.

Jon 19:3

Ag anam hena, ag haen kuɗum Jesus gumidna wana, eɗun uɗinna appig. “Na am Juda dilag king! Na binan ele,” aon appig. Ag anam anana, ag eppelag oohap tena, hippeg mataɗppig.

Mak 15:18

Aɗaeg no amu ag aon aon qettan, Jesus hambuppun humidna appig. “Na am Juda dilag king! Na binan ele!” aon appig.

Matyu 27:11

Aria, Jesus Pailat noobppa hibaitta dayeye, Pailat Jesus oɗ mettom. “Na Juda dilag kingte?” awa aum. A amu Jesus, “Na aakku attem,” awa aum.

Matyu 2:2

“Nid nakok laa doum, Nug Juda dilag king amu, Nug adeppa daatte? Ig nuhig hoɗoppai aam bedeppa anidta, Nug noobppa dup nota binag mekkunignu uɗimut,” aon appig.